İşğalciler tarafından "SVO askerleri"ni zehirlemege tırışqanından şübelengen aşçını Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) 1-nci SİZOa avuştırğanlar. Bir yıldan ziyade onı 2-nci SİZOnıñ bazasında yerleşken FSB mahsus apishanesinde bağsız tuta ediler.
"Tribunal. Qırım epizodı" kanalına yarımadanıñ apis sistemasındaki bir menba bunı bildirdi.
"Onıñ malümatına köre, söz, bir yıldan ziyade FSBniñ mahsus apishanesinde, Simferopolnıñ (Aqmescitniñ — terciman) 2-nci SİZOnıñ bazasında tutulğan Olğa Tsirik aqqında kete. Teşviqatçılarnıñ versiyasına köre, qadın 2023 senesi ilk küz ayında WhatsApp messencerinden Ukrayina mahsus hızmetlerinen bağlanğan eken. Gemilerniñ yerleşüvi aqqında malümattan ğayrı, o, Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda — terciman) arbiy tehnika ve arbiy hadimlerniñ areketleri aqqında malümat bere edi. O, Rusiye arbiy tecavuzınıñ iştirakçilerini zeerlemege planlaştıra, dep, teşviqatçılar FSB hadimlerinden mektüpler yazğanlar, mektüplerde mabüs, olarnıñ aytqanına köre, müdirden: "bu insanlarnı da zeerlemege mümkünmi?", — dep resurs yazdı.
Bu kanalğa köre, cenk başlağan soñ Rusiye quvetçileri devlet hainliginde qabaatlanğan yerli sakinlerniñ sayısını arttırdılar — Ukrayina içün casuslıq yapqanları içün.
"Böyle davalar, qabaatlayıcı tarafnıñ bergeni delillerniñ qanuniyligi ve doğruluğı obyektiv qıymet kesilmesine imkân bermey, çünki olar açıqtan aydınlatılmay. Tek 2025 senesiniñ yazında ukrayin mahsus hızmetlerinen işbirligi yapqanında qabaatlanğan 17 Qırım sakini tutulğanı belli oldı", — dep Tribunal. Qırım epizodı bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
