İşğal etilgen topraqlarda "Sarı şerit" areketi tarafından orta küz ayınıñ 27-nde Ukrayin yazısı ve tili kününe başığlanğan "Ї" adlı narazılıq aktsiyası teşkil etildi. Narazılıq timsallerini Melitopol, Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Donetsk, Lugansk, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Mariupol, Tavriysk şeerlerinde tarqattılar.
Areket Telegramda bunı bildirdi.
"Ї, er bir ukrayinniñ ruhunı qızdıracaq bir timsaldir. O, bizge tuvğanlarımıznı hatırlata. Öz keçmişimizni ürmet etmek ve öz kelecegini belgilemek imkânı aqqında", — dep haberde qayd etildi.
Hatırlatamız ki, Ukrayin yazısı ve tili kününe, orta küz ayınıñ 27-nde, Bütünukrayin milliy birligi radiodiktantı keçirilecek. Metinniñ adı "Yaşamaq kerek!". Adetni 2000 senesi Ukrayina Radiosınıñ taqımı til etrafında birleşmek içün başlattı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
