İşğal etilgen Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) Peksimet körfezinde büyük bir desant gemisi qayd etildi. O, Rusiye Qara deñiz flotunıñ silâsınen yerastı anbar yanında tura, anda raketa ve silâ saqlanıla.
Orta küz ayınıñ 23-nde yerli sakinler "Qırım yeli" Telegram kanalına bunı bildirdiler.
"Sevastopol (Aqyar — terciman) körfezinde gemilerni aman-aman er kün çekici yardımınen limanlardan limanlarğa avuştıralar", — dep haberde qayd etildi.
Daa evel Rusiye Qara deñiz flotundan menbaları "Ateş" partizan areketine eki kere Ukrayina arbiy hızmetçileri tarafından zarar körgen "Rostov-na-Donu" suvastı gemisiniñ köterilgenini, amma tamir işleri başlanılmağanını bildirdi. O, Sevastopolnıñ (Aqyarnıñ) bir körfezinde tura.
Hatırlatamız ki, ilk küz ayınıñ 10-nda ukrayin uçucısız uçaq aleti Novorossiysk civarında Rusiye Federatsiyasınıñ Qara deñiz flotunıñ MPSV07 gemisine ücüm etti. 60 million dollarlıq geminiñ radarları ve navigatsiya aletleri yoq etildi. Bİİniñ malümatına köre, gemi ciddiy zarar kördi ve paalı tamir işleri kerektir.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
