Ukrayinada mahkeme Qırım "suv hocalığı ve melioratsiya devlet eyyetiniñ reisiniñ muavini"ni duşmannen işbirlik faaliyetiUkrayina CQniñ 111-1-nci maddesiniñ 5-nci qısmınde qabaatlap, mülküni musadere etip, 6 yılğa mahküm etti.
Orta küz ayınıñ 21-nde Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Bundan da ğayrı, adam devlet ve yerli akimiyet organlarında 10 yıl devamında vazife tutmaq aqqından marum etildi.
Taqiqatnıñ malümatına köre, mahküm etilgen Ukrayina vatandaşı bu vazifede 2023 senesi saban ayından çalışa.
"Qanunnı bozğan adam istilâcı memleketniñ devlet siyasetini yerine ketire ve ruslarğa Ukrayinağa qarşı bozuv faaliyetini alıp barmağa yardım ete", — dep Ukrayina havfsızlıq hızmetiniñ Baş idaresi Facebookta bildirdi.
Suspilne Qırımnıñ malümatına köre, söz Ahmed Osmanov aqqında kete.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
