Ukrayina tışında ya da vaqtınca işğal etilgen topraqlarda vaqtınca yaşağan pensiyacılar er yıl ilk qış ayınıñ 31-ne qadar fizikiy identifikatsiya olunmalılar.
Ukrayina prezidentiniñ Qırım Muhtar Cumhuriyetindeki temsilciligi bunı hatırlattı.
2025 senesi saban ayınıñ 20-nden itibaren Ukrayina Nazirler Kabinetiniñ 2025 senesi kiçik aynıñ 11-nde qabul etilgen ve Ukrayina tışında ya da Rusiye tarafından vaqtınca işğal etilgen topraqlarda vaqtınca yaşağan şahıslarğa pensiya ve sigorta ödemelerini tölev tertibini belgilegen 299-ncı qararı işke tüşürilecek.
Hususan, aylıq ömürlik para ödemeleri ve sigorta paralarını almaq içün bu şahıslar er yıl ilk qış ayınıñ 31-ne qadar fizikiy identifikatsiya olunmalılar.
Fizikiy identifikatsiya böylece olunmaq mümkün:
- Ukrayina nezaretindeki topraqlarda bulunğan Ukrayina Pensiya fondunıñ er angi hızmet merkezine şahsen kelmek — şahsiyetni tasdiqlağan vesiqanı (Ukrayina vatandaşı pasportı ya da başqa pasport) köstermek.
- Pensiya alacaq bankqa şahsen kelip, vesiqanı kösterip, identifikatsiya olunmaq.
- Ukrayina Pensiya fondunıñ elektron hızmetleri veb-portalında şahsiy elektron kabinetinde "Diia.İmza" uzaqtan qullanılğan mahsus elektron imza (KEP) vastasınen avtorizatsiya olunmaq.
- Ukrayina Pensiya fondunıñ topraq organınen video konferentsiyası bağı (video bağı rejiminde identifikatsiya).
- Şahısnıñ sağ olğanına dair vesiqanı Ukrayina tış diplomatik müessisesi resmiyleştirecek (çetelde vaqtınca yaşağan şahıslar içün) — vesiqa pensiyanı ödemek devam etüv arizasınen beraber UPFnıñ topraq organına poçta vastasınen yollanıla.
- Vesiqalarnı elektron şekilde UPFnıñ saytında yollamaq — kerekli vesiqalarnıñ kopiyalarını ilâve etmek ve muracaatnı ihtisaslı elektron imzanen imzalamaq.
- UPFnıñ Kontakt merkezi vastasınen muracaat etmek (video konferentsiya ya da mesleatnı teşkil etmek içün): telefonlar — 0 800 503 753, +38 (044) 281 08 70, +38 (044) 281 08 71 (video konferentsiyasına ariza bermek mümkün).
Haberde alâqa nomeraları qayd etilgen: Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ bütün sakinleri +38 (067) 547 65 75 (Viber, WhatsApp) telefonı ya da 0 800 502 192 bedava "sıcaq hat" ya da [email protected] elektron adresine muracaat ete bileler.
Qayd etmek kerek olğan pensiya ya da sigorta ödemeleriniñ alıcısı ilk qış ayınıñ 31-ne qadar qayd etilmese, para berilmesi kelecek seneniñ qara qış ayınıñ 1-inden toqtatılacaq.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
