Rusiye Mudafaa nazirligi işğal etilgen Qırımğa uçucısız uçaq aletleriniñ ücüm etkenini bildirdi. Olarnıñ malümatına köre, Rusiyeniñ AMS yarımada üzerinde 32 dronnı ve Qara deñiz üzerinde daa 6 dronnı yoq etti. Nezaret kanallarınıñ malümatına köre, yanğın Ğvardiyskide (SarabuzRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) neft bazasında yüz berdi, patlamalarnı Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Saq ve Novofedorivka sakinleri eşitkenler. İşğalli akimiyetniñ malümatına köre, Canköy, Qurman ve Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonlarında elektrik energiyası kesildi, suv teminlevinen bağlı meseleler peyda oldı.
Qırım üzerinde UUAniñ tüşürilgeni aqqında RF Mudafaa nazirligi bildirdi.
"Saat 23:00-ten saat 7:00-ge qadar Qırım toprağında 32 UUA ve Qara deñizde 6 UUA tutuldı ya da yoq etildi", — dep haberde qayd etildi.
İşğalli Qırım "başı" Aksönov bildirdi ki, ücüm neticesinde bir qaç elektrik stantsiyası zarar kördi.
"Uçucısız uçaq aletleriniñ ücümi neticesinde Qırımdaki bir qaç elektrik stantsiyası zarar kördi. Şimdi tamir işleri devam ete. Tamir işleri ve elektrik teminatınıñ tiklenüvi aqqında tafsilâtlı malümat resmiy menbalarda derc etilecek. Sakin olmağa ve yalıñız resmiy menbalarğa işanmağa rica etemiz", — dep Aksönov yazdı.
"Qırım yeli" nezaret kanalınıñ malümatına köre, Simferopolnıñ (Aqmescitniñ) Ğvardiysk rayonında uçucısız uçaq aletleriniñ ücüminden soñ neft bazasında yanğın çıqtı.
Aynı zamanda Gvardiyskedeki başqa bir yerde yanğın çıqqanı aqqında malümat derc etildi. "Qırım yrli" monitoring gruppasınıñ malümatına köre, ava limanı yanında garnizon toprağına ücüm oldı. Bu arbiy obyektten RF ordusı Ukrayinağa dronlarnen ücüm ete.
Bu kanalnıñ abunecileri Saq, Yevpatoriya (Kezlev) ve Novofedorivkada olğan patlavlar aqqında da haber ettiler.
Şaq şeeriniñ işğalli "yolbaşçısı" Yuliya Predibaylonıñ malümatına köre, yarıqnıñ söndürilüvi "acele bir şekilde söndürilgeni" sebebinden oldı.
Elektrik ve suv teminatı bozulğanı aqqında malümatnı Yevpatoriya (Kezlev) "başı" Yuryev de aydınlattı, mektep ve bala bağçalarında oquv qısqartılğanı aqqında bildirdi.
"Elektrik energiyası bozulğanı sebebinden pompa stantsiyaları söndürildi ve suv berilmesi sıñırlandı, bugün mektepler ve bala bağçaları balalar içün qısqa şekilde çalışacaq. Vaziyet stabilleşecek soñ, tam bir oquv künü aqqında qarar alınacaq, bu aqqında daa haber etilecek", — dep haberde bildirildi.
Elektrik meseleleri aqqında Qurman rayonınıñ işğalli akimiyetiniñ vekilleri bildirdiler.
"Qurman (Krasnoperekopsk) rayonında qaza neticesinde elektrik energiyası söndürilgeni sebebinden tamir brigadaları tamir işlerini keçire. Sakin olmağa ve tek teşkerilgen malümatqa işanmağa rica etemiz", — dep Qurman rayonınıñ işğalli yolbaşçısı Sergey Bidanets yazdı.
İşğalli "Qırım Nazirler Şurasınıñ reisi" Yuriy Gotsanük Canköy, Qurman ve Yevpatoriya (Kezlev) rayonlarında elektrik teminatı cedvelleriniñ kirsetilüvi ve ağda bozulmalar ola bilecegini bildirdi.
"Qurman (Krasnoperekopsk), Canköy ve Yevpatoriya (Saq) rayonlarınıñ elektrik teminlev ağlarında elektrik kesilüvleri ve kommutatsiya donatmalarınıñ bozulmasınen bağlı elektrik teminleviniñ bozuluvları ola bile", — dep Gotsanük yazdı.
Ukrayina tarafı işğal etilgen Qırımğa ücüm aqqında malümatnı şimdilik izaatlamadı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
