Keriçte beşinci sınıf talebeleri kadet olaraq ant ettiler

İşğal etilgen Qırımda Keriçniñ 23-nci mektebiniñ beşinci sınıf talebeleri "Rosgvardiya deñiz brigadası"nıñ vekilleri, işğalli memurlar ve "SVOMahsus arbiy ameliyat — Rusiye yolbaşçılığı tarafından kirsetilgen ve Rusiyege qoltutqan menbalar tarafından Rusiyeniñ Ukrayinağa 2022 senesinden başlap istilâsını tasvir etmek içün qullanılğa teşviqat efemizmidir." veteranlarınıñ nezareti altında kadetlerge ant ettiler.

İşğalli Qırım "Rosgvardiyası"nıñ matbuat hızmeti bunı bildirdi.

İşğal etilgen Keriçte 23-ünci mektepniñ sınıfınıñ talebelerini işğalciler kadetlikke aldılar ve er bir bala ant berdi. Bundan da ğayrı, sınıfqa Ukrayinağa qarşı cenkte elâk olğan 23 yaşındaki Denis Çertkovnıñ adı berildi.

Mektepte ötkerilgen teşviqat tedbirinde beşinci sınıf talebeleri, işğal "Qırım Rosgvardiyası"nıñ matbuat hızmetiniñ malümatına köre, arbiy orkestrniñ qoşuluvı altında yürüş keçtiler, kadet antı sözlerini ayttılar, Rusiye gimnini ve vatanperver yırlarını icra ettiler.

"Tedbirde Rosgvardiya deñiz brigadasınıñ vekilleri, şeer idaresiniñ işğalli yolbaşçısı Olga Adamenko, veteranlar, mektep reberligi ve talebelerniñ tuvğanları bar ediler. Mektep talebelerine milliy gvardiya askerleriniñ sertifikatı ve bayrağı berildi. Kadetlerge mer Anton Maşirov hayırlav sözüni ayttı, o, oquv esnasınıñ istiqballerini ve gençlerniñ vatanperver terbiyesiniñ müimligini qayd etti", — dep işğalli arbiy birleşmeniñ haberinde bildirildi.

"Rossiya 1. Vesti Krım" Rusiye telekanalınıñ haber etkenine köre, orta küz ayınıñ 14-nde Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ işğal etilgen Krasnovka köyünde "kazak sınıfları"nıñ talebeleri "atqa minüv" ve ant etüv merasimini keçirdiler. Bu "adetler"de balalarğa ana-babaları ilk silânı bereler.

Hatırlatamız ki, ilk küz ayınıñ 17-nde UHHniñ Qırım Muhtar Cumhuriyetindeki Baş idaresiniñ matbuat hızmeti bildirdi ki, "Varâg" arbiy-vatanperver klubınıñ ve "Qırım sıñır bekçileri birligi"niñ yolbaşçısına qarşı cenk urf-adetlerini bozğanında qabaatlav mahkemege yollanıldı.

Tahqiqatnıñ malümatına köre, o, işğalciler balalarğa istihbarat-diversiya faaliyetini, silâ qullanuv usullarını ve dronlarnı idare etmege ögretecek "lager"niñ qurucılığını idare ete.

Bundan da ğayrı, ilk küz ayınıñ 20-nde Ukrayina Prezidenti işğal etilgen Qırımnıñ 66 memurı ve iş adamına qarşı sanktsiyalar kirsetti, şu cümleden, cedvelge vaqtınca işğal etilgen Qırım tasil, ilim ve gençlik işğalci naziri Valentina Lavrik kirsetildi. O, Rusiye tasil standartlarını kirsete ve oquv esnasını arbiyleştire. 2024 senesi boş ayda oña devlet hainliginde şübe bildirildi.

Читати ще