Vaqtınca işğal etilgen topraqlarda, hususan Qırımda, em de Donetsk, Luğansk, Herson, Zaporijjâ vilâyetleriniñ qanunsız işğal etilgen topraqlarında işğalciler bütün vatandaş naqliyatını kameralarnen donatmağa isteyler.
"Sarı şerit" areketi bunı bildirdi.
Faalcilerniñ fikirince, böyleliknen ruslar eali üzerinde nezaretni quvetleştirmege isteyler.
"Böyle bir qarar Donetsk, Luğansk, Herson, Zaporijjâ vilâyetleri ve işğalli Qırım memuriyetlerine yollanıldı. Şimdi ise Kreml memurlarğa kelecek sene yerli bücetlerni qısqartıp, bu teşebbüske para bermege avale etti. Bundan da ğayrı, şahsiy taşıyıcılarnıñ şeerlerara taksilerinde kameralar qoyulması aqqında söz yürsetile", — dep haberde qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
