İşğalli mahkeme bu sene mayıs ayında vaqtınca işğal etilgen Qırımda hırsızlanğan 24 yaşındaki qırımtatar Hatice Büyühçanğa "devlet hainligiRF CQniñ 275-nci maddesi"nen yañı qabaatlavnı bildirdi.
Qırım uquq qorçalayıcı gruppası bunı bildirdi.
Bundan ğayrı, "Lenin rayon mahkemesi" apis müddetini 2025 senesi orta küz ayınıñ 13-ne qadar uzatmağa qarar aldı.
Hatice mayısnıñ 6-nda Eski Qırımda Simferopolğa (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adke) ketken avtobusqa minip ğayıp oldı. Bir qaç künden soñ onıñ Simferopoldaki (Aqmescitteki) FSB idaresinde bulunğanı belli oldı. Tuvğanlarınıñ alğanları advokatnı oña yibermediler, bu ise qorçalav aqqınıñ bozuluvını köstere.
QUQGnıñ malümatına köre, Hatice Büyühçan Simferopoldaki (Aqmescitteki) 1-nci SİZOda tutula. Rusiye mahsus hızmetleri onı birden bir qaç madde boyunca qabaatlaylar — "terror teşkilâtınıñ faaliyetini teşkil etüvRF CQniñ 30-ncı maddesiniñ 1-nci qısmı, 205-nci maddesiniñ 1-nci qısmı" ve "patlayıcı maddelerni qanunsız saqlavRF CQniñ 222.1-nci maddesiniñ 3-nci qısmı". Resmen onı mayısnıñ 13-nde tuttılar, yani bir afta devamında sebepsiz tuttılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
