İşğal etilgen Qırımdaki benzin stantsiyalarında aman-aman benzin yoq. İşğalciler er kün yaqarlıqnıñ qaysı yerde tapılacağı aqqında malümat derc eteler.
"Sarı şerit" areketi bunı bildirdi.
"İşğalli akimiyet er saba malümatnı derc ete, onı bugün qıdırmağa tırışmaq mümkün (memurlarğa fiyatlarnıñ köterilmesinden elde etilgen kârnı paylaşacaq benzin noqtalarına reklama bere — oqu)", — dep haberde qayd etildi.
Hatırlatamız ki, orta küz ayınıñ 13-nde Milliy muqavemet merkezi bildirdi ki, Qırımda yaqarlıq qıtlığı sebebinden acele yardım maşnalarınıñ çıqışları sıñırlandı. İnsanlarğa hastahanege öz başına barmağa tevsiye eteler.
"Hastahaneler yaqarlıqnı iqtisat etmege ve "acele yardım maşnaları"nıñ seferlerini qısqartmağa emir ettiler. Sebep — yaqarlıq qıtlığı ve işğalli memuriyetniñ buhranı al etmege becerememesi. Şimdi maşnalar tek fevqulâde vaziyetler içün çıqa, insanlarğa ise hastahanege özleri barmağa tevsiye eteler. Akimiyet ealige para bermey — amma orduğa ve repressiv qurulışlarğa degil. İşğalcilerniñ öz menfaatlarını insanlarnıñ ayatından üstün tutqanınıñ daa bir misali", — dep haberde bildirildi.
Aynı zamanda işğalli Qırım yolbaşçısı Sergey Aksönov bildirdi ki, orta küz ayınıñ 11-nden başlap arman ayınıñ soñundan berli yaqarlıq qıtlığı olğan yarımadada qoşma olaraq daa 18 benzin stantsiyası çalışıp başladı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
