Qırımda işğalciler Latifa (Nina) Malakovnı "terror teşkilâtına qoltutqanı"nda, internette hayriye faaliyeti ve para toplağanı içün qabaatladı ve qanunsız sürette umumiy rejimli müstemlekede 4,5 yılğa üküm etti. Apis müddeti bitken soñ, o, işğal etilgen Simferopolğa (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adke), apiske alınğanda 1 aylıq olğan qızı yanına qayttı. O, sıñırlavlarğa riayet etmeli ve işğalcilerniñ nezareti altında yıl devamında qalmalı.
Qırımtatar jurnalisti ve uquq qorçalayıcısı Lütfiye Zudiyeva Facebookta bunı bildirdi.
"Latifa (Nina) Malahova Krasnodar ülkesinde qadın müstemlekesinde bütün müddetini keçirgen soñ azat etildi. Şimdi o, qızı ile beraber Simferopolda (Aqmescitte — terciman) yaşay, amma sıñırlavlar bir yıl devam etecek. Bu müddet devamında Malahovağa Simferopolnı (Aqmescitni — terciman) terk etmege, evden saat 22:00-dan saat 6:00-ğa qadar bulunmağa, kütleviy tedbirlerge barmağa, yaşağan ya da çalışqan yerini deñiştirmege yasaq etile. O, ayda eki kere qayd etilmek ve apansız teşkerüvlerge azır olmaq mecbur", — dep Lütfiye Zudiyeva yazdı.
Latif Malahova qanunsız apis müddetini Ust-Labinskiy rayonınıñ Dubratskıy köyündeki 3-nci tüzetüv müstemlekesinde keçirdi.
"Birinci altı ay pek ağır keçti. Buña alışmaq içün em maneviy, em de fizikiy ceetten qıyın edi. Soñ özümni idman olmağa, oqumağa, doğru aşamağa başladım. Amma sağlıq alâ daa bozulğan", — dep Latifa Zudiyevağa ayttı.
Latifa Malahova aşqazan meseleleri, devamlı baş ağrıları ve zayıflaştırılğan immunitet aqqında da bildirdi. Apishanede olğanda o, 12 kilogramm azlaştı. Onıñ aytqanına köre, müstemlekede o, fizikiy basqı ya da işkencege oğramadı, lâkin iş yerinde namaz qılğanı içün eki kere ceza izolâtorına tüşti. Daa soñ o, teneffüs vaqtında dua etmek içün memuriyetnen añlaşmağa tırıştı.
Azat etilgen soñ Malahova bir qaç afta aqayınıñ tuvğanlarınen Başqırtistanda keçirdi, soñ ise qızı ile beraber Simferopolda (Aqmescitte) kirağa alğan dairege köçti. Qız, anasınıñ apis etilmesi devamında qorantası ile beraber yaşay edi. Onıñ aqayı — Ruzil Yapparov — alâ daa apiste buluna.
Nina (Latifa) Malahova ve aqayı 2021 senesi kiçik aynıñ 14-nde Kazan şeerinde FSB hadimleri tarafından tutuldı, soñ ise, qorçalayıcı tedbir alması içün işğal etilgen Qırımğa yol aldılar. Bir aylıq qızı Melissa olarnen beraber mahkemege ketirildi. Aqay-apaynıñ cinaiy davaları ayrı baqıla edi.
2021 senesi oraq ayınıñ 7-nde Rostov-na-Donudaki Cenübiy bölgeniñ arbiy mahkemesi onı "İnternette hayriye faaliyetini ve para toplavını keçirip, terroristik teşkilâtqa yardım etkeni (RF Ceza qanunnamesiniñ 205.1 maddesiniñ 4-nci qısmı) içün umumiy rejimli müstemlekede dört buçuq yılğa" qanunsız sürette mahküm etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
