İşğal etilgen Qırım sakini, Rusiye arbiy hızmetçileri içün para ve şeyler toplağanı içün mülkü müsadere etilip, 12 yılğa ğıyabiy şekilde mahküm etildi.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Taqiqatnıñ malümatına köre, Rusiye Ukrayinağa istilâ etip başlağan soñ, mahküm etilgen qadın "Qırım gumanitar cebesi" adlı hayriye fondunı qurdı ve yolbaşçılıq etti. İçtimaiy ağlar vastasınen o, para toplamaq içün bank kartlarınıñ malümatlarını ve maddiy yardımnı qabul etüv noqtalarınıñ adreslerini derc etti.
Toplanğan resurslarnı — şu cümleden altı maşna, 40 çöl ocağı, 800 çuqur çırağı, 1000 yaqarlıq bidonı, gizleyici ağlar, issilikten qorçalayıcı urbalar ve diger mallarnı — o, şahsen Rusiye silâlı quvetleriniñ arbiy hızmetçilerine berdi.
Mahkeme onı istilâcı devletke yardımUkrayina CQniñ 111-2-nci maddesiniñ 1-nci qısmı etkeninde qabaatlı tanıdı. 12 yıllıq apis cezasından ğayrı, qadın 15 yıl devamında devlet hızmeti ve yerli idarenen bağlı vazifelerni eda etmek aqqından marum etildi.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
