İşğal etilgen Qırımda yerli işhanelerniñ hadimleri "ekologiya qurtarayıq" sözleri altında sahte "cumartelik"lerde çöp ve Qırım zavodlarınıñ yañlış utilizatsiya etilgen qalımtıları ve nezaretniñ neticelerini temizlemege mecbur olalar.
Orta küz ayınıñ 6-nda Ukrayina prezidentiniñ Qırım Muhtar Cumhuriyetindeki temsilciligi bunı bildirdi.
Böylece, Bağçasaray rayonında müessiseniñ hadimleri Almin yapma gölüniñ yalı kenarını temizlemege mecbur etildi.
İşğalciler bu "cumartelikler"de kubometrlerce çöp toplağanlarını bildirdiler, amma ruslar ketirgen ekologik zararnıñ miqyasını bildirmeyler, dep temsilcilik qayd etti.
"Büyük Qarasuv özeninde de buña beñzer aktsiyalar olıp keçti, anda memuriyetlerniñ basqısı altında insanlar plastik şişeler ve quru otlarnı topladılar. Mevcut bir çöp utilizatsiyası sisteması ve işhanelerniñ nezareti yerine, işğalciler ealige tesir eteler", — dep haberde qayd etildi.
Rusiye matbuat vastalarınıñ malümatına köre, Qırım yañı suv qıtlığı devirine kire ve bir qaç yıl devam ete bile. Partizan (SablaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) yapma gölündeki vaziyet kerginleşe, anda aylar devamında suv tökülmey. İlk küz ayında onıñ miqdarı 1,2 million kubometrge eksildi. İşğal etilgen Aluşta bağlı olğan İzobilne (KörbekülRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) yapma gölü şimdi 24%ge tolu, bu ise 2,5 ayğa yete bile.
Hatırlatamız ki, işğal etilgen Qırımda suv meselesi kerginleşe: yapma gölleri qurudı, quyular tükendi, yerli sakinler ise ketirilgen suv içün nevbetlerde turmağa mecbur oldılar. İşğalli akimiyet episini qurğaqlıqnı qabaatlay, amma ukrayin müstehassısları, bunıñ kerçek sebebi Kremlniñ çoq yıllıq siyaseti olğanını qayd eteler. Suspilne Qırım jurnalistleri şaatlarnıñ şaatlıqlarını ve mütehassıslarnıñ izaatlarını toplap, vaziyetniñ ne içün beterleşkenini añlattılar.
Ukrayina prezidentiniñ Qırımdaki sabıq temsilcisi, Qırım reintegratsiya assotsiatsiyasınıñ mütehassısı Borıs Babin qoştı ki, işğalli akimiyet suv berüv sistemasını tamir etmedi.
"Akimiyetniñ aytqanına baqmadan, zarar körgenlerniñ sayısı 50-90%-dir. Suvnıñ çoqusı bir yerge ketmey. Ne qadar çoq qazsañız ya da toplasañız da, o dağıtıcı sistemalarda ğayıp ola", — dep mütehassıs qayd etti.
Onıñ aytqanına köre, suv endi 77 meskün yerge ketirile, evel 32 meskün yerge ketirile edi.
Aynı zamanda, Geoinformatsiya sistemaları laboratoriyasınıñ müdiri Serğiy Ğapon Suspilne Qırımğa bildirdi ki, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Çornoriçenske (ÇorğunRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) yapma gölleri yarıdan az tolu, Tayğan yapma gölü ise aman-aman boş. Onıñ fikirince, Qırımda suv qıtlığı devam etecek.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
