Ukrayinada cebede ukraiyn arbiy hızmetçisi, "Üsküt" lâğabınen qırımtatar Mamet elâk oldı. Onıñnen, orta küz ayınıñ 7-nde Kıyiv vilâyetinde vedalaşacaqlar.
Orta küz ayınıñ 6-nda Qırımtatar Milliy Meclisiniñ reisi Refat Çubarov Facebook saifesinde bunı bildirdi.
Onıñ aytqanına köre, cenaze orta küz ayınıñ 7-nde saat 14:00-da "Birlik" qırımtatar medeniyet merkeziniñ camisinde, Kıyiv vilâyetiniñ Çaykı köyünde, Mıhaylo Ğruşevskiy soqağı, 3 adresi boyunca ötkerilecek.
Qırımtatar askeri 2016 senesi Ukrayina Silâlı quvetlerine göñülli olaraq qoşuldı. O, "Rusiye-Ukrayina cenkiniñ eñ ağır yönelişleri"nde cenkleşti, dep Çubarov añlattı.
"Er bir ukrain arbiy hızmetçisi — qırımtatar kibi, onıñ de istegi — tuvğan Qırımını Rusiye işğalcilerinden tez vaqıtta azat etmek ve evge qaytmaq edi", — dep Meclis reisi qoştı.
O şunı da qayd etti ki, elâk olğan arbiy adam aqqında tolu malümat Qırım işğalden azat etilgen soñ aydınlatılacaq.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
