Orta küz ayınıñ 6-na keçer gecesi işğal etilgen Qırımda ve Qara deñiz üzerinde patlamalar eşitildi. Rusiye Mudafaa nazirligi, yüzden ziyade ukrayin uçucısız uçaq aletiniñ yoq etilgeni aqqında bildirdi.
RF Mudafaa nazirliginiñ malümatına köre, orta küz ayınıñ 6-na keçer gecesi ava mudafaası quvetleri Qırım üzerinde 40 dronnı ve Qara deñiz üzerinde 62 dronnnı yoq etti.
"Qırım yeli" Telegram kanalı Novofedorivka şeeriniñ "Saq" arbiy ava limanı yanında ateş açılğanı ve patlamalar yüz bergenini bildirdi. Bundan ğayrı, qayd etildi ki, patlamalar Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında, Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve "Qaı" ava limanı yerleşken Andriyivka civarında eşitildi.
Telegram kanalınıñ malümatına köre, Rusiye arbiy hızmetçileriniñ radarlarından biri Yevpatoriya (Kezlev) ve Uyutne köyü arasında "ücüm" neticesinde zarar kördi. Bundan da ğayrı, Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) neft terminalında kene büyük yanğın çıqtı — yaqarlıq rezervuarı patladı.
"Qırım yeli"niñ nezaret gruppası uydu malümatına esaslanıp, terminal toprağına eki küçlü yanğın merkezini qayd etti.
Bu obyektke ilk ücüm degil: 2024 senesi orta küz ayında olğan ücümlerden soñ 34 rezervuardan tek 22-si saqlanıp qaldı. O zaman yanğın 12 rezervuarnı qaplap aldı, olardan 8-i bütünley yandı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
