İşğal etilgen Qırımda Rusiye memuriyeti "ekologik aktsiyalar"nı mecburiy göñüllilikke çevirerek keçire. Yerli sakinler işğalcilerniñ aqılsızlığınıñ aqibetlerini bedava temizlemek mecburlar.
Milliy muqavemet merkezi bunı bildirdi.
MMM, Bağçasaray rayonını misal olaraq ketirdi. Anda müessiselerniñ hadimleri Almin suv anbarınıñ yalısını temizlemek içün zorbalıqnen yollanıldı. İşğalli akimiyetniñ esabatlarında toplanğan çöplükniñ kubometrleri aqqında aytıla, lâkin ekologik felâketniñ miqyası aqqında aytılmay.
"Büyük Qarasuv özeninde de aynı böyle aktsiyalar keçirildi: memuriyetlerniñ basqısı altında insanlar plastik şişelerni ve qurğ ösümliklerni topladılar. İşğalci devlet, kerçek bir ğayrıdan tiklev sisteması ve işhanelerniñ nezareti yerine, ealige işni yükley", — dep Milliy muqavemet merkezi qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
