İçki işler nazirliginiñ Qırımdan sabıq inspektori 14 yılğa azatlıqtan marum etildi. Taqiqatnıñ malümatına köre, yarımada işğal etilgen soñ, o, antını bozıp, Rusiye işğalli uquq qorçalayıcı organlarına keçti.
Qırım Muhtar Cumhuriyeti prokurorlığı bunı bildirdi.
"Prokurorlar mahkemede 2014 senesi Ukrayina İçki işler nazirliginiñ Qırım MCdeki Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) şeer bölüginiñ hadimlernen iş sektorınıñ inspektorı Ukrayina halqına sadıqlıq antını bozıp, duşman tarafına keçkenini isbatladılar. İşğalli akimiyetniñ vekilleri onı "Rusiye İçki işler nazirliginiñ Feodosiya (Kirovskıy) rayonındaki bölüginiñ yolbaşçısınıñ muavini" olaraq tayin ettiler", — dep haberde qayd etildi.
Suspilne Qırım menbalarınıñ malümatına köre, söz Serğiy Ğorönışev aqqında kete.
2024 senesi qara qış ayında Feodosiya (Kirovskıy) rayonındaki bölükniñ yolbaşçısı vazifesini eda etmege razı oldı, kiçik ayda ise "baş müdiriniñ muavini" vazifesine qaytıp keldi.
"Taqiqatnıñ malümatına köre, hain işğalli akimiyetniñ zorbalığını tarqatmağa ve duşmanğa Ukrayinağa qarşı bozuv faaliyetini alıp barmağa yardım etken edi", — dep UHHniñ Qırım MCdeki Baş idaresi qoştı.
Mahkeme onı devlet hainligi ve duşmannen işbirlik faaliyetinde ğıyabiy şekilde qabaaltı tanıdı. O, 14 yılğa azatlıqtan marum etilip, mal-mülkü müsade etildi, devlet akimiyet organlarında 10 yıl devamında vazife almağa aqqından ve leytenant unvanından marum etildi.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
