Vinnıtsâda 2014 senesi Rusiye ordusına keçken Qırımdan sabıq arbiy hızmetçini mahküm ettiler. USQde o, taktik gruppasınıñ idareci vazifelerinden birinde kontrakt boyunca arbiy hızmet ete edi. O, askerlikten qaçqanında ve devlet hainliginde qabaatlana.
Vinnıtsâ şeer mahkemesiniñ saytında bu aqqında haber etildi.
"Mahkeme, qabaatlanğan adamnıñ Ukrayina Silâlı quvetleriniñ taktik gruppasınıñ yolbaşçısı vazifelerinden birinde kontrakt boyunca arbiy hızmette bulunğanını ve Qırım Muhtar Cumhuriyetiniñ işğali ve diger arbiy bölükke avuştırıluvı sebebinden yañı hızmet yerine avuştırılğanını bilgenini belgiledi. Lâkin qabaatlanğan adam, vaqtınca işğal etilgen topraqtan ketmege red etip ve 2014 senesi Rusiye Silâlı quvetlerinde arbiy hızmet etmek içün añlaşma tizip, duşman tarafına keçti ve böylece devlet haini oldı ", — dep haberde qayd etildi.
Mahkeme organınıñ malümatına köre, qabaatlanğan adam qabaatlav aktınıñ bar olğanını bile edi, amma mahkeme oturışına kelmedi. Mahkeme onı Ukrayina Ceza qanunnamesiniñ 408-inci maddesiAskerlikten qaçuvniñ 1-inci qısmı, 111-inci maddesiDevlet hainliginiñ 1-inci qısmında qayd etilgen cinayetlerde qabaatlı tanıp, 15 yılğa mahküm etildi. İstinaf müddeti bitken soñ üküm küçüni alır.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
