"Rubij" müfreze birleşmesiniñ beş iştirakçisi ukrayin mahkemesi ögünde turmalı. Tahqiqatnıñ malümatına köre, 2014 senesi kiçik ayda olar işğalcilerge Qırımdaki arbiy obyektlerni zapt etmege yardım etken ediler, şu cümleden "Hmelnıtskıy" korvetini ve Ukrayina Arbiy deñiz quvetleriniñ binalarını ücüm etken, blok noqtalarında nevbette turğan ediler, vatandaşlarnı qıdırğan ve qanunsız referendum bölüklerini qorçalağan ediler.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
"2014 senesi kiçik ayda beş Ukrayina vatandaşı "Rubej" halq müfreze birleşmesiniñ — "Sevastopol öz-özüni mudafaa etüv" qanunsız silâlı birleşmesiniñ bölüklerinden biriniñ — erkânına qoşuldılar. Olarnıñ areketleri qanunğa zıt kelgen silâlı birleşmelerniñ faaliyetinde iştirak etüv, şirket, müessise, teşkilâtqa ücüm (Ukrayina SQniñ 260-ncı maddesiniñ 4-nci qısmı), Ukrayina topraq bütünligi ve toqunılmazlığına basqı (Ukrayina SQniñ 110-ncı maddesiniñ 2-nci qısmı) ve devlet hainligi (Ukrayina SQniñ 111-nci maddesiniñ 1-nci qısmı) olaraq qayd etildi", — dep haberde bildirildi.
Qırım Muhtar Cumhuriyeti prokurorlığınıñ bergeni malümatqa köre, qabaatlanğanlarnıñ vazifelerine blok noqtalarında nevbette tutmaq, vatandaşlarnıñ vesiqalarını teşkermek ve şeerge doğru ketken naqliyat vastalarını tintmek, em de qanunsız referendum keçirilmesi maqsadınen qurulğan Sevastopoldaki saylav bölüklerini qorçalamaq kirdi. Hususan, diger "öz-özüni mudafaa etci"lernen beraber Ukrayina Arbiy-deñiz quvetleriniñ komandanlıq binalarınıñ zapt etilmesinde iştirak ettiler ve RF Silâlı quvetleriniñ arbiy hızmetçilerine "Hmelnıtskıy" korvetine ücüm etmege yardım ettiler.
Olar 15 yılğa qadar apis cezasını ala bileler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
