İşğal etilgen Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) SİZOsında tutuluv vaqtında Qırım siyasiy mabüsi, bulğar asıllı ukrayin Oleksandr Osadçıynıñ sağlıq vaziyeti bayağı fenalaştı. Rusiye quvetçileri tarafından apiske alınğanından berli onıñ tuvğanları aman-aman bir yıl devamında onıñ bulunğan yerini bilmey ediler. Onı "casuslıq" ve "devlet hainligi"nde qabaatlaylar.
Qırımtatar resurs merkeziniñ (QRM) idarecisi Zarema Bariieva bunı bildirdi.
Onıñ aytqanına köre, işğalciler qanunsız alda başqa birisini alğanlarını añlağanda, er yerde "halq duşmanları"nı köreler. Neticesinde işğal etilgen Qırımda er kün insanlar sahte qabaatlavlarnen apiske alınalar.
Bu taqipniñ qurbanlarından biri 1962 senesi Kirovograd vilâyetinde (Vilşanka köyünde) doğğan bulğar asıllı ukrayinalı Oleksandr Osadçıy oldı.
"Bir yıl evel işğalciler tarafından derc etilgen videodan insannı belgilep, tuvğanlarını tapıp, Ukrayina vatandaşınıñ Qırımdaki qanunsız taqip etilmesi aqqında tafsilâtlarnı ögrene bildik", — dep Zarema Bariieva añlattı.
Tuvğanlarınıñ malümatına köre, Osadçıy 40 yıldan ziyade Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) yaşadı. Odesa universitetini bitirgen soñ, gemi qurucılığında çalıştı, soñ ise biznesnen oğraştı. Oleksandr aqıllı bir riyaziyatçı edi, balalarnı yaldamağa ögretken edi, Qırımda çobanlıqnıñ ğayrıdan tiklenüvi boyunca programmanı azırlağan edi, Kirovograd vilâyeti içün "Reykobus" leyhasınıñ azırlayıcıları arasında edi, em de ermeni tilinden tercime etilgen İvan Ayvazovskıy aqqında kitapnı neşir etken edi.
2023 senesi arman ayınıñ 24-nde onıñ evi tintildi, bundan soñ Osadçıy belli olmağan yerge alıp ketirildi. Aman-aman bir yıl devamında o incommunicado statusında olıp qaldı — tuvğanları onıñ bulunğan yeri aqqında bir şey bilmey ediler.
"Tek 2024 senesi ilk yaz ayında tuvğanları 62 yaşındaki Oleksandrnıñ sağ olğanı ve Simferopol SİZOsında bulunğanı aqqında haber aldılar. İlk yaz ayınıñ 12-nde mahkeme oturışı olıp keçti, anda Oleksandr Rusiye Ceza qanunnamesiniñ 3 maddesine istinaden qabaatlanğanını ögrendi, bunıñ içün 20 yıllıq azatlıqtan marum etüv cezası berile bile... 2024 senesi ilk yaz ayınıñ 18-nde içtimaiy ağlarda kirli yüzlü Oleksandrnıñ kamerağa "Ukrayina mahsus hızmetlerinen işbirlik yapqanını" tarif etken videosı peyda oldı", — dep Bariieva tarif etti.
Apislikte adam pek azdı, ve, qorantasınıñ aytqanına köre, alı pek fenalaştı.
"Şunı qayd etmege isteyim ki, babamnıñ dedesi, onıñ adı da Oleksandr edi, 1937 senesi repressiyalarğa oğratıldı ve öldürildi. Oleksandr er vaqıt faal yaşayış noqta-i nazarına saip edi, Ukrayinanı, em de Qırımnı seve edi, işğalden soñ onı terk etmege istemey edi", — dep Bariieva qoştı.
Osadçıy soñki kere 2023 senesi yazda Kirovograd vilâyetini ziyaret etken edi. O, 90 yaşındaki anasını ziyaret etmege kelgen edi. Şimdi 92 yaşındaki qadın, oğlunı apislikten bekley.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
