İşğalciler tarafından 12 yılğa sert rejimge mahküm etilgen Qırım siyasiy mabüsi Seyran Hayredinov yaqın kelecekte etap etile bilir. Rusiyedeki Vladimir apishanesinde ekzeması fenalaştı ve tişlerinen meseleleri bar.
İlk küz ayınıñ 16-nda üç künlik körüşüvde o, apayı Zarema Hayredinovağa bunı bildirdi. İlk küz ayınıñ 26-nda ise qadın, "Qırım birdemligi" cemaat teşkilâtına bunı bildirdi.
Siyasiy mabüsniñ apayı, aqayına, qorantasınıñ müstemlekege banderol olaraq yollağanı ilâclar berilgenini qayd etti.
Onıñ aytqanına köre, körüşüvde onıñ anası, 15 yaşındaki oğlu Emil ve 13 yaşındaki qızı Elvina da bar edi.
"Men qaynanama söz berdim ki, ne olsa olsun, onı oğluma alıp ketecegim. O, ögünde endi büyük balalarını körgende şaştı. Üç kün devamında: "Balalarımızğa ne yaptıñ? Küçük balalarım qayda?", — dep Hayredinova qayd etti.
Hatırlatamız ki, apiske alınmazdan evel Seyran Hayredinov Bağçasaray rayonınıñ Bilokamyanka (Süyür TaşRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) köyünde qurucı edi. Özbekistannıñ Namangan vilâyetiniñ Kasansay şeerinde doğdı. O, Qırımnıñ cemaat ayatında faal iştirak ete ve balalar içün bayramlarnı teşkil etmege yardım ete edi. Aynı zamanda adam üç balanıñ babası ola.
2023 senesi işğalciler tarafından sert rejimli müsyemlekede 12 yılğa apis cezasına mahküm etilgen soñ, Hayredinov bir afta devamında Rostov-na-Donu vilâyetiniñ Vilâyetlerarası verem hastahanesine yatdırıldı, anda kritik alda ketirildi.
"Hizb ut-Tahrir davası"nıñ dörtünci Bağçasaray gruppası aqqında ne bilemiz
2020 senesi oraq ayınıñ 7-nde Qırımda keçirilgen kütleviy tintüvler vaqtında yedi kişi tutuldı. Aqmescitniñ "Kıyiv rayon makemesi" altı mabüs içün tevqif tedbirini sayladı.
İsmet İbrahimov, Zekirya Muratov, Vadim Bektemirov, Emil Ziyadinov, Alim Sufyanov, Seyran Hayredinov "makeme" zalında apiske alındı ve Aqmescitteki taqiqat izolâtorına yerleştirildi. Birinci gruppa körme saqatlığına saip olğan Oleksandr Sizikov ev apsine alındı.
Tutulğanlarnıñ episi, Rusiyede terroristik olaraq tanınğan, amma dünyanıñ çoq ülkesiniñ milliy seviyesinde sıñırsız faaliyet etken "Hizb ut-Tahrir" islâm siyasiy firqasında iştirak etkeninde qabaatlanalar.
2023 senesi qara ayında "devlet prokurorı" "Hizb ut-Tahrir" davası çerçivesinde Cenübiy bölge arbiy makemesinde Oleksandr Sizikov içün 18 sene rica etti.
2023 senesi mayısnıñ 17-nde Rusiye Federatsiyasınıñ Cenübiy bölge arbiy makemesinde Oleksandr Sizikovnı 17 senege azatlıqtan marum etüv cezasına maküm ettiler. Alim Sufyanov ve Seyran Hayderinov 12 sene sert rejimli müstemlekege üküm etildi. Birinci dört senesini olar da apishanede keçirecekler.
Rusiye makemesi Sizikovnı sert rejimli apishanege yolladı ve apishaneden soñ daa bir buçuq senege azatlıqtan marum qaldırdı, oña cemaat tedbirleri ve toplaşuvlarğa barmamağa emir etti.
2024 senesi berim ayında Moskva vilâyetiniñ istinaf makemesi "Hizb ut-Tahrir davası"nıñ dörtünci Bağçasaray gruppasına qarşı şikâyet arizasını baqmağa devam etti. Onıñ iştirakçileri Alim Sufyanov, Seyran Hayredinov ve körme qabiliyetini coyğan saqatlı qırımtatar Oleksandr Sizikovdır. Olar tintüvler ve "makeme taqiqatı" vaqtında yapılğan bir sıra bozuvlarnı qayd ettiler.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp ve Facebookta Suspilne Qırım haberlerine abune oluñız
