İlk küz ayında işğal etilgen Qırımda "Sarı şerit" cemaat qarşılıq areketine 100-den ziyade faalci qoşuldı. Olar Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Yalta ve Bağçasaray şeerlerinde yañı ukrayin tarafdarı levhalarnı tarqattılar.
İlk küz ayınıñ 26-nda areket öz Telegram kanalında bunı bildirdi.
"Basqı ve cenklerge baqmadan, qarşılıq devam ete. Rusiye teşviqatı halqımıznı Ukrayinadan vazgeçmege mecbur etip olamay. İşğal etilgen topraqlarnıñ sakinleri er kün bütün dünyağa özleriniñ ukrayinler olğanlarını isbatlaylar ve işğalden qurtaruvnı ümütnen bekleyler", — dep "Sarı Şerit" koordinatorları qayd ettiler.
Hatırlatamız ki, ilk küz ayınıñ 24-nde Qırım platformasınıñ beşinci sammitinde "Sarı şerit" areketi işğal etilgen Qırımda, onıñ Ukrayina toprağı olğanını hatırlatmaq içün, Ukrayina tarafdarı aktsiyasını keçirdi.
Evel "Sarı şerit" areketi, işğalciler tarafından ilk küz ayınıñ 12-14 künleri Sevastopolda (Aqyarda) keçirilgen "gubernator" saylavlarına qarşı kiber aktsiya keçirdi. Faalciler "saylav eyyeti"niñ saifesini açtılar ve 16 biñden ziyade şeer sakinini işğalciler tarafından teşkil etilgen rey berüvniñ qanunsızlığı aqqında haberdar ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
