İlk küz ayınıñ 24-nde New Yorkta Birleşken Milletler Teşkilâtınıñ merkezinde ötkerilecek Beşinci Qırım platforması sammitiniñ künü, "Sarı şerit" cemaat areketi işğal etilgen Qırımda aktsiya keçirip, onıñ Ukrayina toprağı olğanını hatırlattı.
Areket öz Facebook saifesinde bu aqqında haber etti.
"Eyilik ve adalet yamanlıqnı yeñsin dep, er kün biz er şeyni telükege oğratamız. Ve siz bizge qoşulıp, bizge qol tutqanda, adiy Qırım sakinlerine qol tutqanda — bu asırda yapıla bilecek eñ doğru ve aydın şeylerden biridir. Sağ oluñız!" — dep "Sarı şerit" koordinatorları Qırım platformasınıñ sammitine qoşulğanlarğa muracaat etti.
Böyle aktsiyalar Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Bağçasaray ve Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde keçirildi. Qırım soqaqlarında faalciler "Qırım platforması — serbest Ukrayinanıñ sesi", "Qırım — bu Ukrayinadır" yazısınen levhalarnı çektiler.
Qırım platforması — Ukrayinanıñ teşebbüsinen Qırım meselesini kün tertibine qaytarmaq, insan aqlarını qorçalamaq, yarımadanıñ işğalden qurtarılmasına yardım etmek, Avropa ve global telükesizlikni pekitmek içün halqara idare mehanizmdir.
İlk küz ayınıñ 24-nde aqşam New Yorkta Birleşken Milletler Teşkilâtınıñ merkezinde halqara Qırım platformasınıñ beşinci sammiti ötkerilecek. Ukrayina prezidenti Volodımır Zelenskıy, Rusiye tarafından qaçırılğan ukrayin balalarınıñ qaytarıluvı boyunca halqara toplulıqnıñ qararına ümüt etkenini bildirdi. Bu mesele boyunca Ukrayina ve AQŞ prezidentleriniñ apayları — Olena Zelenska ve Melaniya Trump da körüşmege planlaştıralar.
50 devlet ve halqara teşkilât Beşinci Qırım platforması sammitinde iştirak etecegini tasdıqladı, dep Ukrayina prezidentiniñ Qırım Muhtar Cumhuriyetindeki daimiy temsilcisi Olğa Kurışko bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
