İşğal etilgen Qırımnıñ Pervomaysk rayonınıñ "Rusiye devlet bayrağını ve Georgiy şeritini aramlağan" sakini qasaba-müstemlekede bir yılğa mahküm etildi.
İşğalli Qırım prokurorlığı bunı bildirdi.
İşğalli tahqiqatnıñ malümatına köre, yerli sakin sarhoş olıp, gumanitar yardım qutusında olğan "Rusiye Federatsiyasınıñ devlet bayrağını ve Georgiy şeritini aramladı". Vaqia keçken sene küzde yüz berdi, adam "sarhoş alda edi".
FSBniñ Qırım ve Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) hadimleri onı tuttılar. Mahkeme onı "Rusiyeniñ arbiy şan-şüreti timsalleriRF CQniñ 354.1-nci maddesiniñ 3-nci qısmı"ni ve "Vatan mudafaacıları hatırasını aramlağanında" ve "Rusiye Federatsiyasınıñ Devlet bayrağını aramlağanıRF CQniñ 329-ncı maddesi"nda qabaatladı. Cezası — müstemlekede bir yıllıq apis cezası. Bundan da ğayrı, mahküm etilgen adamğa eki yıl devamında kütleviy tedbirlernen bağlı faaliyetlerde iştirak etmek yasaq etildi.
İşğalli Qırım tahqiqat eyyeti, söz Pervomaysk rayonınıñ Pravda köyüniñ 49 yaşındaki sakini aqqında ketkenini qayd etti. İşğalli müessiseniñ malümatına köre, vaqia 2024 senesi ilk küz ayınıñ 19-nda Pervomayske köyündeki tükânlardan birinde yüz berdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
