İşğalcilernen işbirlik yapqan eki Qırım "göñülli"sine, istilâcı devletke yardımUkrayina CQniñ 111-2-nci maddesiniñ 1-nci qısmı etüvde şübhe ğıyabiy şekilde bildirildi. Olar 12 yılğa qadar mahküm etile bilirler.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) prokurorlığı bunı bildirdi.
"Tahqiqatnıñ malümatına köre, şübhelengenlerden biri 2022 senesinden Yalta şeerinde göñülliler ştabını teşkil etti. Anda qadın, "göñülliler"nen birlikte silâ içün 250 silâ malzemesi, FPV-dronlar içün yedek parçaları, taşıma teleradiostantsiya, avtomobillerni tamir etmek içün parçalarnı topladı ve "SVO" zonasına yolladı", — dep haberde qayd etildi.
Tahqiqatnıñ malümatına köre, şübhelengenlerden biri toplaşuvlar aqqında malümatnı Qırım sakinleri arasında tarqatqan ve içtimaiy ağlarda bildirgen edi.
"Başqa şübhelengen adam 2024 senesi kiçik ayda "Şarqiy Qırım göñüllileri" birleşmesine qoşuldı ve onıñ erkânında gumanitar yardım toplap, RF silâlı quvetleriniñ vekillerine issilik közlüklerini, termal kombinezonlarnı, gizleyici ağlarnı ve ilâhre berdi", — dep prokurorlıq yazdı.
Bundan da ğayrı, o, şahsen işğalcilerniñ ihtiyacları içün bir qaç naqliyatnı tamir etti. İşğalciler onı "Rusiye ordusına yardım etkeni" içün defalarca taqdirlediler.
Qırım prokuraorlığı hatırlattı ki, Ukrayina Anayasasınıñ 62-nci maddesine binaen, şahıs cinayet işlegeninde qabaatsız sayıla ve qabaatı qanuniy şekilde isbatlanıp, qabaatlayıcı üküm çıqarılmağanına qadar cinaiy cezanı çekip olamay.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
