Qırım işğaline qol tutqan elli insanğa devlet hainligiUkrayina CQniñ 111-nci maddesiniñ 1-nci qısmı ve duşmannen işbirlikUkrayina CQniñ 111-1-nci maddesiniñ 5, 6, 7-nci qısımları faaliyetinde şübhe bildirildi.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
"Şübhelengenler arasında: Rusiye pasportlarını almağa istemegen Qırım sakinlerini sürgün etmek qararlarını qabul etken işğalli mahkemelerniñ "Femida hadimleri"; devletke hainlik etip, duşman tarafına keçken Ukrayina İçki işler nazirligi, Havfsızlıq hızmeti, Devlet sıñır hızmeti, devlet orman qoruvı organlarınıñ sabıq uquq qorçalayıcıları, prokurorlar ve mahkemeciler; işğalli "şeer şuraları" ve "Qırım Cumhuriyetiniñ Devlet şurası"na "saylavlar"nıñ iştirakçileri; işğalli memuriyetlerniñ yolbaşçıları, şu cümleden "Qırım Cumhuriyetiniñ Nazirler şurasınıñ reisiniñ muavini", "mesken-kommunal hocalıq naziri", em de yerli akimiyet organlarınıñ hadimleri; işğalli mahkeme organlarında vazifeler alğan şahıslar; duşman ordusı içün maddiy resurslarnı toplağan ve bergen "göñülliler"; "Rusiye Federatsiyasınıñ Ukrayinağa qarşı silâlı tecavuzını aqlağan "Qırım Cumhuriyeti Cemaat palatasınıñ azası", — dep bildirildi.
Duşmannen işdeşlik ve devlet hainliginden ğayrı, olarğa cenk qanunlarını ve adetlerini bozğanlarıUkrayina CQniñ 438-nci maddesiniñ 1-nci qısmı, istilâcı devletke yardım etkenleriUkrayina CQniñ 111-2-nci maddesiniñ 1-nci qısmı ve Rusiyeniñ Ukrayinağa qarşı silâlı tecavuzını aqlağanlarıUkrayina CQniñ 436-2-nci maddesiniñ 3-nci qısmı içün qabaatlandılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
