İlk küz ayınıñ 10-nda Rusiye Yuqarı mahkemesi Herson sakini İrına Ğorobtsovanıñ dava şikâyetini baqıp çıqtı. İşğalciler onı "casuslıq" sahte qabaatlavınen 10,5 yılğa üküm ettiler. Rusiye mahkemesi ükümni deñiştirmedi.
"Qırım esnası" uquq qorçalayıcı teşebbüsi bunı bildirdi.
"İlk küz ayınıñ 10-nda Rusiye Yuqarı mahkemesi Herson işğali vaqtında hırsızlanğan ve "casuslıq"ta qabaatlanğan İrına Ğorobtsovanıñ ükmüni qanuniy olaraq tanıdı. Mahkeme ükmü deñiştirilmedi", — dep haberde qayd etildi.
İrına Ğorobtsova aqqında ne bilemiz
İrina Gorobtsova — İT şirketinde testçi ve cemaat faalcisidir. Herson Rusiye tarafından işğal etilgen vaqıt o, yerli hastahanege yardım ete edi: uzaq rayonlardan ekimlerni alıp kete edi, aşayt malları, ilâc ve bağlayıcı malzemelerni qıdırıp ketire edi, ayrıca Herson vilâyetiniñ uzaq meskün yerlerindeki ağır hastalarğa ilâc ketire edi. Bundan da ğayrı, Hersonda Rusiye işğaline qarşı keçirilgen barışıq toplaşuvlarına barıp, içtimaiy ağlarda fotoresimlerini derc ete edi
2022 senesi mayısnıñ 13-nde, faalciniñ doğğan künü, Hersonda İrına Ğorobtsova ve ana-babasınıñ yaşağanı çoq daireli evge Rusiye arbiy hızmetlerinde belgisiz şahıslar keldiler, evini tintip, İrınanı alıp kettiler, ana-babasına onı sorğuğa alıp ketkenlerini ayttılar. Tintüv vaqtında faalciniñ noutbukı ve cep telefonı tutıp alındı. İrınanen bağ yoq edi, ve ana-babası Hersonda Rusiye işğalli memuriyetine muracaat etmege qarar aldı. Anda olarğa qızını Qırımğa alıp ketkenlerini bildirdiler.
Tintüv vaqtında faalciniñ kompyuteri ve cep telefonı tutıp alındı. İrına ile bağ yoq edi, ve ana-babası Hersonda Rusiye işğalli memuriyetine muracaat etmege qarar aldı. Anda olarğa qızı işğal etilgen Qırımğa alıp ketilgenini bildirdiler.
2024 senesi yazda Herson vilâyetiniñ işğalli makemesi faalcige "casuslıq" davasında 10 yıl ve 6 ay apis cezasını berdi.
Apiske alınmazdan evel, Rusiyeniñ istilâsından evel, oña aqıl anevrizması diagnozı qoyulğan edi, bu ise tibbiy yardım ve nezaretke muhtac olğan bir vaziyet.
2024 senesi ilk qış ayında İrınadan, alı fenalaşqanı ve tutulğan Simferopol SİZOsında tibbiy yardımnıñ yetmemezligi aqqında aytqanı aqqında mektüp keldi.
Hatırlatamız ki, keçenlerde siyasiy mabüs İrına Ğorobtsova oraq ayınıñ 19-nda ketirilgen Mordoviyadaki 2-nci qadın müstemlekesinden mektüp yazdı. O, 45 adam içün azırlanğan odada yaşağanını, tahikardiya ve baş ağrısından şikâyet etkenini ayttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
