İşğalciler tarafından "casuslıq" içün 10,5 yılğa mahküm etilgen İrına Ğorobtsova Mordoviyadaki qadın tüzetüv müstemlekesine etap etilgeni belli oldı.
Qırım uquq qorçalayıcıları Suspilnege bu aqqında haber ettiler.
Evel haber etkenimiz kibi, ilk yaz ayınıñ 10-nda İrına Ğorobtsovanıñ babası ondan mektüp aldı. O vaqıt o, alâ daa Râzan şeerinde edi. Anda o qorantasına Mordoviya müstemlekesine ketmek içün azırlanğanını bildirdi.
İrına Ğorobtsova aqqında ne bilemiz
İrina Gorobtsova — İT şirketinde testçi ve cemaat faalcisidir. Herson Rusiye tarafından işğal etilgen vaqıt o, yerli hastahanege yardım ete edi: uzaq rayonlardan ekimlerni alıp kete edi, aşayt malları, ilâc ve bağlayıcı malzemelerni qıdırıp ketire edi, ayrıca Herson vilâyetiniñ uzaq meskün yerlerindeki ağır hastalarğa ilâc ketire edi. Bundan da ğayrı, Hersonda Rusiye işğaline qarşı keçirilgen barışıq toplaşuvlarına barıp, içtimaiy ağlarda fotoresimlerini derc ete edi
2022 senesi mayısnıñ 13-nde, faalciniñ doğğan künü, Hersonda İrına Ğorobtsova ve ana-babasınıñ yaşağanı çoq daireli evge Rusiye arbiy hızmetlerinde belgisiz şahıslar keldiler, evini tintip, İrınanı alıp kettiler, ana-babasına onı sorğuğa alıp ketkenlerini ayttılar. Tintüv vaqtında faalciniñ noutbukı ve cep telefonı tutıp alındı. İrınanen bağ yoq edi, ve ana-babası Hersonda Rusiye işğalli memuriyetine muracaat etmege qarar aldı. Anda olarğa qızını Qırımğa alıp ketkenlerini bildirdiler.
Tintüv vaqtında faalciniñ kompyuteri ve cep telefonı tutıp alındı. İrına ile bağ yoq edi, ve ana-babası Hersonda Rusiye işğalli memuriyetine muracaat etmege qarar aldı. Anda olarğa qızı işğal etilgen Qırımğa alıp ketilgenini bildirdiler.
2024 senesi yazda Herson vilâyetiniñ işğalli makemesi faalcige "casuslıq" davasında 10 yıl ve 6 ay apis cezasını berdi.
Apiske alınmazdan evel, Rusiyeniñ istilâsından evel, oña aqıl anevrizması diagnozı qoyulğan edi, bu ise tibbiy yardım ve nezaretke muhtac olğan bir vaziyet.
2024 senesi ilk qış ayında İrınadan, alı fenalaşqanı ve tutulğan Simferopol SİZOsında tibbiy yardımnıñ yetmemezligi aqqında aytqanı aqqında mektüp keldi.
İşğalciler tarafından qanunsız sürette on buçuq yıl apis cezasına mahküm etilgen İrına Ğorobtsova kiçik aynıñ 13-nde İdare ştabı, UHH, Prezident ofisi, Milliy malümat bürosı ve ombudsman ofisine mektüp yazdı. O, Rusiye akimiyeti tarafından esir alınğan bütün vatandaş qadınlarnı qurtarmağa rica ete.
"Ukrayina halqı tarafından er bir vatandaşımıznıñ menfaatlarını qorçalamaq içün vekâletlengen şahıslarğa muracaat etem. Bizler, Rusiye esirliginde bulunğan bütün Ukrayina vatandaşlarını vatandaş deñiştirmesine qoşmağa rica etemiz. Bu bizim SOS signalımızdır, ve biz eşitilmege isteymiz, çünki biz çoqtan berli özümizge ve dertimizge diqqat ayırmaq içün fırsat bekledik", — dep mektüpte yazıldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
