Ukrayinada işğalcilerge çalışmağa keçken eki Qırım mahkemecisi devlet hainligi içün ğıyabiy şekilde mahküm etildi. Olarğa 11 ve 12 yıllıq apis cezası berildi, mal-mülkleri ise müsadere etilecek.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) prokurorlığı bunı bildirdi.
"Mustaqillik prokurorlığınıñ halq ögündeki qabaatlavı sebebinden Qırım Muhtar Cumhuriyetiniñ Appelâtsiya mahkemesiniñ ve Qurman rayon mahkemesiniñ eki sabıq mahkemecisi ğıyabiy şekilde mahküm etildi. Olar devlet hainligiUkrayina CQniñ 111-nci maddesiniñ 1-nci qısmınde qabaatlı tanıldı, 11 ve 12 yıllıq apis cezasına mahküm etildi. Prokurorlar, Qırım işğal etilgen soñ mahküm etilgenlerniñ Ukrayina halqına sadıqlıq antını bozıp, duşmanğa hızmetke keçkenlerini isbatladılar", — dep haberde qayd etildi.
Qırım Muhtar Cumhuriyeti prokurorlığınıñ malümatına köre, qabaatlanğanlardan biri "Qırım Cumhuriyeti Yuqarı mahkemesiniñ mahkemecisi" vazifesini aldı, digeri ise — işğal etilgen Qurman rayon mahkemesinde "adalet" yerine ketirmege başladı.
"Femida hızmetçileri" öz areketlerinen Qırımdaki işğalli mahkeme organlarınıñ meydanğa ketirilmesine ve çalışmasına yardım ettiler, em de istilâcı devletniñ vekillerine Ukrayinağa qarşı bozuv faaliyetini alıp barmaqta yardım etti", — dep QMC prokurorlığı qayd etti.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
