İşğalciler, Mihail Razvojayevni Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ gubernatorı saylavlarınıñ ğalibi olaraq ilân ettiler.
RİA "Novosti Krım", Merkeziy saylav şirketiniñ yolbaşçısı Ella Pamfilovağa esaslanıp, bunı bildirdi.
RF Merkeziy saylav eyyetiniñ malümatına köre, o, reylerniñ 100%-i sayılğan soñ, reylerniñ 81,72%-inde qazandı.
"Merkeziy saylav eyyetiniñ saytındaki malümatqa köre, ekinci yer İlya Juravlev (5,75%), üçünci yer Gennadiy Kuşnir (3,91%), dörtünci yer İrina Salina (3,54%), beşinci yer — Sergey Kruglov (3,29%) qazandı", — dep haberde qayd etildi.
Milliy muqavemet merkeziniñ malümatına köre, Razvojayevniñ "ğalebesi" beklenilgen edi.
"Saylavlar" üç kün devam etti ve adet üzre ruslar içün raqipliksiz keçti. Bildirgenimiz kibi, Gaulayter razvojayevge 80%-den ziyade rey "berildi", — dep bildirildi.
Bu yerli saylavlar Rusiyeniñ demokratik institutlarınıñ dekoratikligini daa da qayd etti, dep Sahte malümatqa qarşılıq merkezi yazdı.
"Namzetleri saylağan temsil organlarınıñ çoqusında akimiyetniñ kerçek vekâletleri olmasa da, ruslarnıñ kerçek saylavı olmadı. Kreml Rusiyede böyle bir siyasiy sistemanı qurdı, anda Putinniñ "Yedinaya Rossiya" firqası akimiyetniñ alternativsiz siyasiy küçü oldı, "izinlengen" muhalifet ise prezident vertikaliniñ nezareti altında buluna ve tek dekorativ vazifelerni eda ete. Putinge qarşı olğan muhalifet, Ukrayinağa istilâ başlağan soñ, bütünley yoq etildi", — dep SMQM yazdı.
"Sarı şerit" cemaat areketiniñ "Sevasİgnor" teşebbüsiniñ malümatına köre, ilk küz ayınıñ 14-nde 39 746 Sevastopol (Aqyar) sakini "gubernator saylavları"nı körmemezlikke urdı.
Hatırlatamız ki, sahte saylavlar ilk küz ayınıñ 12-14 künleri keçirilgen edi. Bu, 2014 senesi Qırım işğali başlağanından berli üçünci "gubernator saylavları" edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
