İlk küz ayınıñ 11-ne keçer gecesi Ukrayina Arbiy-deñiz quvetleri vaqtınca işğal etilgen Qırımda RF Qara deñiz flotunıñ kommunikatsiya ağına ücüm etti. Obyekt duşman bölükleriniñ idaresini temin ete edi.
Ukrayina Arbiy deñiz quvetleriniñ matbuat hızmeti bunı bildirdi.
Operatsiya neticesinde işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) 184-nci ilmiy-teşkerüv eksperimental bazasınıñ territoriyasında yerleşken kommunikatsiya noqtası zarar kördi. O, Rusiye Federatsiyasınıñ Qara deñiz flotunıñ bölükleriniñ koordinatsiyası ve idare etüv vazifelerini eda ete edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
