"O.M. Ğorkiy adına Balıqlava maden idaresi" aktsioner cemiyetiniñ baş müdirine madenlerniñ qanunsız qullanuvında şübhe bildirdiler. Tahqiqatnıñ malümatına köre, onıñ reberligi altında işğal etilgen Qırımda şirket qanunsız şekilde faydalı madenlerni çıqarmağa devam ete ve Rusiye ordularına yardım ete.
Qırım Muhtar Cumhuriyeti ve Sevastopol (Aqyar) şeeri prokurorlığı bunı bildirdi.
Şübelengen adam — Ukrayina vatandaşı, "Partiya Regionov"dan QMC Yuqarı Şurasınıñ sabıq mebusı. 2020 senesinden başlap, o, işğalciler tarafından zapt etilgen, lâğu etilgen ukrayin litsenziyasına baqmadan Balıqlava civarında mahsus tehnika ve patlayıcılar qullanıp, kireçtaş çıqarmağa devam etken müessiseniñ yolbaşçısı ola.
Bundan da ğayrı, 2023-2024 seneleri baş müdir, müessisede qurulğan "hayriye gruppası" vastasınen Rusiye ordusı içün resurslarnıñ berilmesine yardım etti.
Onıñ areketleri, patlav ve istilâcı devletke yardımUkrayina CQni∫ñ 111-2-nci maddesiniñ 1-nci qısmı etüv yolunen yapılğan umumdevlet qıymetindeki faydalı madenlerniñ qanunsız çıqarılmasıUkrayina CQniñ 240-ncı maddesiniñ 4-nci qısmı olaraq belgilendi. O, 12 yılğa qadar apis cezası üküm etile bile.
Ukrayina prezidentiniñ buyruğınen şübhelige qarşı müddetsiz sanktsiyalar kirsetildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
