"Hizb ut-Tahrir davası"nıñ QurmanRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad gruppasınıñ 17 yılğa mahküm etilgen mabüsi Rustem Emiruseyinovnıñ sağlığı şeker hastalığı ve bunıñnen bağlı ağırlaşuvlar sebebinden fenalaştı. O, Tver vilâyetiniñ Bejetsk şeerindeki 6-ncı müsemlekede apis cezasını çeke.
Onıñ apayı "Qırım birdemligi"ne bunı bildirdi.
"Misal içün, eger o, özüni yaralasa, yara yanıp, tedaviylenmesi uzun sürer. Men bunı şeker hastalığınen bağlayım", — dep Aliye Emiruseyinova qayd etti.
Emiruseyinovnıñ sağlıq meseleleri, o, Saratov vilâyetiniñ Balaşov apishanesinde bulunğan vaqıt başlandı. O vaqıt o, ayaqlarında şiddetli qaşıntığa şikâyet ete edi — eki ay içinde 16 kilogrammğa azlaştı. Bundan da ğayrı, körme qabiliyeti bayağı fenalaştı, onıñ içün endi oqup ve yazıp olmay. Apishane hastahanesinde oña şeker hastalığı diagnozı qoyuldı.
"Hizb ut-Tahrir davası"nıñ Qurman gruppası aqqında ne bilemiz
2019 senesi kiçik aynıñ 14-ünde Qurman rayonınıñ (Krasnogvardiysk rayonı) Büyük Onlar qasabasında bu gruppanıñ üç iştirakçisi tutuldı.
2020 senesi boş aynıñ 3-ünde Rostov-na-Donudaki Cenübiy bölge arbiy makemesi, davanıñ iştirakçilerini maküm etti. RF CQniñ 205.5. maddesiniñ 1. qımsına ("Terror teşkilâtınıñ faayiyeti") mücibi Rustem Emiruseinovnı 17 senege, RF CQniñ 205.5. maddesiniñ 2. qısmına ("Terror teşkilâtınıñ faaliyetinde iştirak etüv") mücibi Eskender Abdulganiyevni 12 senege ve Arsen Abhayirovnı 13 senege maküm etti.
Epilerini Rusiyede yasaqlanğan, amma Ukrainada ve dünyanıñ ülkeleriniñ çoqusında serbest şekilde faat etken siyasiy islâm fırqası Hizb ut-Tahrirge ait olmaqta qabaatladılar.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
