"Sarı Şerit" cemaat areketiniñ "SevastopolAqyar — bu Ukrayina" aktsiyası ilk küz ayınıñ 12-14 künleri işğal etilgen Qırımda keçirilecek. Bu teşebbüs, Rusiye akimiyeti o aftada azırlanğan "gubernator" saylavlarına cevap ola.
Areketniñ Facebook saifesinde bu aqqında haber etildi.
"Er bir itaatsızlıq işğalcilerge Qırım Ukrayina olğanını ve Qırım sakinleri qanunsız akimiyetni tanımaycağlarını hatırlata", — dep haberde qayd etildi.
Aktsiyanıñ teşkilâtçıları Qırım sakinlerini bu sahte saylavlarda iştirak etmemege, em de Sevastopolnı (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnı) ukrayin timsallerinen yaraştırmaq ve işğalcilerge Qırım Ukrayina olğanını hatırlatmaq içün "Razom" çat-botu vastasınen aktsiyanıñ faal basamağına qoşulmağa çağıralar.
Hatırlatamız ki, ilk küz ayınıñ 12-14 künleri işğalciler Sevastopolda (Aqyarda) daa bir qanunsız "gubernator saylavı"nı keçirmege azırlanalar. "Sarı şerit" areketiniñ faalcileri, şimdiki işğalli gubernator Mihail Razvojayevniñ çoq sayılı teşviqat materialı aqqında bildireşer. Diger namzetler aqqında malümat yoq.
Faalcilerniñ añlatqanlarına köre, namzetler cedveline kirmek içün 8 belediyeden eñ az 12 mebusnıñ imzalarını toplamaq kerek, amma 80%-den ziyade mebusı "Yedinaya Rossiya" firqasındandır.
"Başqa bir namzet olmaq içün, "Yedinaya Rossiya"dan izin alıp, ğalebe qazanmamağa söz bermek kerek. Bu farsta iştirak etmeñiz", — dep areketniñ koordinatorları qayd ettiler.
Daa evel işğal etilgen Qırımda "Sarı şerit" areketiniñ iştirakçileri narazılıq aktsiyasını teşkil ettiler. Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Sevastopol (Aqyar) ve Yaltada qarşılıq timsallerini tarqattılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
