İlk küz ayınıñ 12-14 künleri işğalciler Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) nevbetteki qanunsız gubernator "saylavları"nı keçirmege azırlanalar. "Sarı şerit" areketiniñ faalcileri, şimdiki işğalli gubernator Mihail Razvojayevniñ çoq sayılı teşviqat materialları aqqında bildireler. Diger namzetler aqqında malümat yoq.
Areket Telegramda bu aqqında haber etti.
"Onıñ (Razvojayevniñ) levhaları er bir adımda. Daa bir qaç namzet qayd etildi, amma soqaqlarda olarnıñ yüzleri yoq. Sebep sade: namzetler cedveline kirmek içün, eñ az 12 mebusnıñ imzalarını toplamaq kerek. Mebuslarnıñ 80%-den ziyadesi "Yedinaya Rossiya" fırqasınıñ mebusıdır. Yani, namzet olmaq içün, er bir alternativ namzet "Yedinaya Rossiya"dan izin alıp, ğalebe qazanmaycağına söz bermeli. Bu farsta iştirak etmeñiz", — dep beyanatta qayd etildi.
"Saylav kampaniyası" ilk yaz ayınıñ 13-nde başlandı. Milliy muqavemet merkeziniñ mütehassısları böyle saylavlarnı "fars" dep adlandıralar ve bu saylavlarda iştirak qanunsız olğanını ve teşkilâtçılarnı mesüliyetke çekeceklerini qayd eteler.
"Rusiye vaqtınca işğal etilgen topraqlarda "saylavlar" adlı maskaralıqnıñ yañı basamağını başlata — bu sefer elektron rey berüv, hususan Sevastopolda (Aqyarda — terciman). Keçken sene anda onlayn "saylavlar" keçirildi: reylerini yalıñız fsb serverleriniñ körgen aman-aman 18 biñ "saylayıcı", — dep haberde bildirildi.
Hatırlatamız ki, şeherniñ şimdiki işğalli gubernatorı Mihail Razvojayevdir. 2020 senesi qanunsız rey berüvde onı "sayladılar". 2025 senesi kiçik ayda yañı "saylavlar" içün onıñ namzetligini Vladimir Putin tasdıqladı. Razvojayevniñ raqibi Devlet dumasınıñ mebusı Dmıtro Belik olacaq.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
