Ukrayinada "Qırım Cumhuriyeti sağlıq nazirligi"niñ hadimi olğan Qırımdan işğalli memurnı mahkeme etecekler. Duşmannen şbirilikUkrayina CQniñ 111-1-nci maddesiniñ 5-nci qısmı faaliyetleri içün oña 10 yıllıq apis cezası berile bile.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Tahqiqat, qabaatlanğan qadın Rusiye Federatsiyasınıñ teklifine razı olğanını ve işğalli memuriyet tarafından teşkil etilgen "nazirlik"te çalışqanını qayd etti. 2024 senesi ilk yaz ayında o "Qırım Cumhuriyeti sağlıq naziri vazifelerini eda etken" vazifesine tayinlendi, oraq ayında ise — bu hızmetniñ "birinci muavini" oldı, anda alâ daa çalışa.
"Sözde qayd etilgen "memur" öz areketlerinen işğalli akimiyet organınıñ faaliyetini temin ete, em de istilâcı devletniñ sağlıq saasında siyasetini amelge keçire", — dep prokurorlıq bildirdi.
Hatırlatamız ki, Ukrayina İİNniñ işğal etilgen Qırımdan üç sabıq hadimi devlet hainligi içün mahkeme etilecek. Yapqanları cinayet içün olar 15 senege qadar üküm etile bileler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
