İşğal etilgen Qırımda yañıdan satıcılar benzin ve dizel yaqarlığını yüksek fiyatlarğa satalar — bir litr içün 180 rublege qadar. Satışlar resmiy benzin stantsiyalarından tış, yük maşnaları ve anbarlar vastasınen yapıla.
"Sarı şerit" areketi bunı bildirdi.
Faalcilerniñ malümatına köre, Qırımda yaqarlıqnen qanunsız ticaret peyda oldı. Yañıdan satıcılar Aİ-92 benzinini 150 rublege, Aİ-95 — 180 rubleden, dizel ise — litr içün 80 rublege satalar.
Satışlar resmiy yaqıt stantsiyalarında degil de, büyük anbar ve yük maşnalarında yapıla. Müşterilerni yerli Telegram çatlarında qıdıralar.
"Gubernator" Razvojayevniñ çatında, böyle hızmetlerni teklif etken yañıdan satıcılar endi bir qaç künden berli yasaqlanmay, ve olardan yazılar silinmey. İşğalli memuriyetniñ temsilcilerinen bağlı olğan yañıdan satıcılar aqqında fikir yürsetile", — dep areket bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
