Ukrayinada Capture The Flag (CTF) yarışında birinci resmiy tehnologiya sport çempionatınıñ finalı olıp keçti. Yarışta 18 bölgeden 33 taqım iştirak etti, Qırımdan taqım birinci yerni qazandı.
Devlet mahsus bağ ve malümat qoruvı hızmeti bunı bildirdi.
Birinci yerni Qırım Muhtar Cumhuriyetinden "skif0perator" taqımı aldı, ekinci yerni Lviv vilâyetinden "Snufkink" aldı, üçünci yerni ise Kıyivden "ByteMe" taqımı aldı.
Eñ eyi onğa Rivne, Harkiv, Kıyiv ve Mıkolayiv vilâyetlerinden taqımlar, Devlet mahsus bağ ve malümat qoruvı hızmetiniñ Devlet kiberhavfsızlıq merkeziniñ "Netflix&Chill" taqımı ve İğor Sikorskıy adına KPInıñ mahsus bağ ve malümat qoruvı institutınıñ eki taqımı kirdi — "Milworms" ve "WireOnFire".
Capture The Flag yarışları malümat sistemalarında açıq yerlerni tapmaq ve yoq etmek içün keçirile. Bu, kiberhavfsızlıq qabiliyetlerini inkişaf ettirmek içün qullanılğan tehnologik sportnıñ bir çeşiti.
"Bugün bizler şimdiki kiberpotentsialımıznı ve kelecek kiberrezervimizni köremiz", — dep Devlet mahsus bağ ve malümat qoruvı hızmetiniñ yolbaşçısı Oleksandr Potiy qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
