İlk küz ayınıñ 1-nden başlap işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) balalar Rusiye arbiy hızmetçilerini qaraman olaraq köstergen teşviqat resimlerinen kündeliklerni aldılar, Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) ise işğalciler gizlendirici ağlarnı örüv dersini keçirdiler. Bundan da ğayrı, Qırım mektep talebelerini orta küz ayınıñ 1-nde ocalar içün çeçekler yerine mektepke "SVO iştirakçileri" içün ilâclar ketirmege çağıralar.
İlk küz ayınıñ 6-nda Büyük Britaniya Mudafaa nazirligi Rusiyeniñ işğal etilgen topraqlarda, hususan, Qırımda, ukrayin balalarına nisbeten yapqan faaliyeti aqqında istihbarat esabatını derc etti. Nazirlik qayd etti ki, işğalciler işğal etilgen topraqlarda balalarnıñ "mecburiy siyasiy terbiyesi"ni ve arbiyleştirilüvini devam eteler.
Suspilne Qırım, Qırım mekteplerinde balalarnı askeriyleştirüv siyasetini tasdıqlağan malümatnı topladı.
Rusiye işğal altındaki balalarğa arbiy işlerni ögrete ve Ukrayinağa qarşı teşviqatqa mecbur ete — Büyük Britaniya Mudafaa nazirligi
Büyük Britaniya Mudafaa nazirliginiñ esabatında işğalciler "siyasiy terbiye etmege" ve işğal etilgen topraqlarda balalarnı arbiyleştirmege devam etkenini qayd ete.
"Rusiye Mudafaa nazirliginiñ "Yunarmiya" gençler teşkilâtı ve "İlkler areketi" Kreml gençler teşkilâtı ukrayin balalarına arbiy becerilerni ögretken ve olarğa Rusiye tarafdarı ve Ukrayinağa qarşı teşviqatnı zorlağan qurulışlarğa ait", — dep esabatta qayd etildi.
2022 senesinden başlap Rusiye "Universitet deñişmeleri" programmasını ömürge keçire, onıñ çerçivesinde işğal etilgen Ukrayina topraqlarından balalarnı Rusiye universitetlerine alıp keteler ve olarnen "vatanperver terbiye" keçirecekler.
"Programmanıñ maqsadı — balalarda Ukrayinağa qarşı dünyabaqışnı şekillendirmek ve Rusiye ordusınıñ areketlerini büyükleştirmektir. Bu teşebbüsniñ başlanmasından berli tahminen 50 biñ ukrayin balası Rusiyeniñ 116 universitetinde böyle "deñişmeler"de iştirak etti", — dep esabatta bildirildi.
İlk küz ayınıñ 1-nde işğal etilgen Qırımnıñ mektep talebelerini çeçekler yerine Rusiye arbiy hızmetçileri içün ilâclarnı alıp kelmege çağırdılar
Bilgi kününe Qırımda mektep talebelerini "ilk küz ayınıñ 1-i çeçeksiz — arbiy hızmetçiniñ ayatını saqla" aktsiyasında iştirak etmege çağırdılar. Ana-babalarğa ocalar içün çeçeklerni satın almağa bermemege tevsiye ettiler, bunıñ yerine mektepke Rusiye ordusı içün ilâclar ve ilâc qutularını ketirmege çağırdılar.
Herson vilâyetiniñ "İRS-Pivden" matbuat vastalarınıñ malümatına köre, işğalcilerniñ "aktsıyası" çerçivesinde Herson vilâyetiniñ sol yalısına ilâclar ve Qırım mektep talebeleri tarafından yapılğan gizlendirici ağlar ve quru şorbalar yollanıla.
İşğal etilgen Simferopoldaki (Aqmescitteki) 1-nci litsey bazasında ilk küz ayınıñ 5-nde işğalciler balalar ve ocalar içün gizlendirici ağlarnı örüv "dersi"ni keçirdiler.
Sevastopol (Aqyar) mektep talebeleri işğalcilerden arbiy teşviqatnen kündeliklerni aldılar
Er yıl "Sevastopol mektep talebesiniñ kündeligi"niñ öz mevzusı bar. Bu sene işğalli akimiyet arbiy mevzuğa ve "SVO qaramanları"na diqqat ayırdı ve olarnı 1-11-nci sınıf talebelerine tarqattı. Bu senelik kündelikniñ mevzusı aqqında öz Telegram kanalında işğalli Sevastopol (Aqyar) "gubernatorı" Mihail Razvojayev yazdı.
Hususan, o qayd etti ki, er bir saifede "Sevastopolnıñ meşur sakinleri ve qaramanları aqqında malümat" bar. Onıñ derc etkeni fotoresimlerde Rusiye arbiy huızmetçileri ve Rusiye ordusı aqqında malümat bar.
İşğal etilgen Qırım mekteplerine ilk küz ayınıñ 1-de tantanalı tedbirlerni qapalı yerde keçirmege tevsiye ettiler
İşğalli Qırım tasil nazirligi yarımadada mekteplerge Bilgi kününi tek 1,9 ve 11-nci sınıf talebeleri içün qapalı odalarda — toplaşuv salonlarında ya da vestibüllerde — keçirmege tevsiye etti. Qalğan talebeler içün merasimler lâğu etildi — birinci ders kününi sınıflarda keçirdiler. İşğalli akimiyet bunı yüksek (sarı) "terroristik telükesi" seviyesinen añlattı.
Hatırlatamız ki, işğal etilgen Sevastopolda (Aqyarda) birinci sınıf talebeleriniñ sayısı keskin eksildi. Bu sene mekteplerge 2022 senesine nisbeten aman-aman eki biñ bala az baracaq. Milliy muqavemet merkeziniñ qayd etkenine köre, işğal etilgen Qırımda Rusiyeniñ işğali şaraitinde demografik buhran daa da terenleşkenini köstere.
Merkezniñ malümatına köre, arman ayınıñ 25-ne qadar Sevastopolda (Aqyarda) birinci sınıflarğa tek 4211 bala yazıldı. Teñeştirmek içün: 2022 senesi bu raqam 6220 edi, 2023 senesi — 6105 edi, keçken sene ise — tahminen 5000 edi.
Rusiye akimiyeti 19,5 biñ ukrayin balasını Rusiyege ve işğal etilgen Qırımğa sürgün etti — Büyük Britaniya Mudafaa nazirligi
19,5 biñden ziyade ukrayin balası işğalciler tarafından qanunsız sürgün etilip, Rusiyege ya da vaqtınca işğal etilgen Qırımğa alıp ketirildi. İlk küz ayınıñ 3-nde Büyük Britaniya Mudafaa nazirligi bu aqqında haber etti.
"Bazı açıq menbalarğa köre, sürgün etilgenlerniñ umumiy sayısı 35 biñge qadar ola. Altı biñ ukrayin balası "terbiye lagerleri" ağına yerleştirildi, soñra, soñ ösmür çağına yetkende, olarnı arbiy oquv merkezlerine yollaylar", — dep haberde qayd etildi.
Strategik kommunikatsiyalar ve malümat havfsızlığı merkezi, ilk küz ayınıñ 1-nde Rusiye Tahqiqat eyyetiniñ hadimleri işğal etilgen topraqlardaki mektep ve bala bağçalarında numayışlı teşviqat aktsiyalarını keçirgenlerini bildirdi.
"Rusiyeniñ esas vazifesi — ukrayinlerniñ kelecek nesilleri üzerinde ne qadar paalı olsa da nezaret etmek", — dep müessise qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
