Qırım köprüniñ demiryol astyapısı ukrayin mahsus hızmetleriniñ ücümlerinden soñ büyük yüklerge dayanıp olamaz. Şunıñ içün işğalciler ağır tehnikasını köpürden keçirmeyler.
İlk küz ayınıñ 4-nde telemarafonnıñ canlı yayınında Ukrayina SQniñ Arbiy deñiz quvetleriniñ nutuqçısı Dmıtro Pletençuk bunı bildirdi.
"Qalğanları ebet, daa da küçükler, hususan, anda qanunsız yolnen kelgen vatandaşlar. Asılında, bu köpürniñ naqliyat bölüginden ğayrı, energetik bölügi de bar. Ve bunı unutmamaq kerek. Ve Qırım, bu kontekstte, Rusiye tarafından zapt etilgen diger zapt etilgen obyektler arasında bile alâ daa mustaqil bir obyekt degil", — dep o ayttı.
Onıñ aytqanına köre, ruslar köpürniñ mudafaasını pekitmege devam eteler. Yarımadada duşmannıñ silâsı yüksek seviyede tutula.
Hatırlatamız ki, Ukrayina mahsus hızmetleri Qırım köprüne üç kere ücüm etti. Hususan, ilk yaz ayınıñ 3-nde UHH mahsus operatsiyanı keçirdi.
Suv astında köpürni urmaq içün, er biri 1100 kilogramm ağırlığında patlayıcı eki kere esas direklerge qoyulğan edi. Böyleliknen, suv astındaki tiremelerniñ bir qısmı yerastı seviyede zarar kördi. Jurnalistlerge UHHniñ yolbaşçısı Vasıl Malük bunı ayttı.
USQniñ Arbiy-deñiz quvetleriniñ nutuqçısı Dmıtro Pletençuknıñ "Suspilne.Studiya" canlı yayınıda bildirgenine köre, köpür qanuniy arbiy maqsat olaraq qala, ve er bir zararı işğalcilerniñ logistika imkânlarını boza.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
