Esir alınğan ukrayinalı ruslar tarafından Noman Çelebicihan adına qırımtatar batalyonında hızmet etkeni içün qanunsız şekilde mahküm etildi. Rusiye Federatsiyasınıñ Cenübiy bölgeniñ arbiy mahkemesi onı sert rejimli müstemlekede 20 yılğa üküm etti.
Rusiyeniñ "Mediazona" neşiri mahkeme qararına diqqat çekti.
"İlk üç yılını apishanede keçirecek. Yatskov terroristik faaliyetke azırlanuvda ve terroristik teşkilâtnıñ faaliyetinde iştirak etüvde qabaatlandı", — dep neşir qayd etti.
Rusiye Federatsiyasınıñ Adalet nazirliginiñ aşırıcılar cedveline köre, Serğiy Yatskov 1980 senesi Volınnıñ Kovel şeherinde doğdı.
"Memorial" uquq qorçalayıcı merkeziniñ malümatına köre, 2025 senesi qara qış ayında USQniñ arbiy hızmetçisi Serğiy Yatskov esir alındı. Rusiye onı RF Ceza qanunnamesiniñ 205.5 maddesiniñ 2-nci qısmıterroristik teşkilâtta iştirak etüvna ve RF Ceza qanunnamesiniñ 205.3 maddesiterrorizmni ögretüvne istinaden qabaatladı.
Hatırlatamız ki, 2022 senesi ilk yaz ayınıñ 1-nde Rusiye Yuqarı mahkemesi Baş prokurorlıqnıñ Noman Çelebicihan adına qırımtatar göñülli batalyonını terroristik teşkilât olaraq tanıp, onıñ faaliyetini Rusiye Federatsiyasında yasaq etmek davasını qanaatlendirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
