RF Mudafaa nazirligi işğal etilgen Qırım üzerinde sekiz uçucısız uçaq aletiniñ yoq etilgeni aqqında bildirdi. Rusiye nazirliginiñ malümatına köre, ilk küz ayınıñ 3-nde gece Qara deñiz üzerinde daa 15 UUA tüşürildi. Aynı vaqıtta nezaret gruppaları yarımadada patlavlar aqqında haber ete ediler.
"Qırım yeli" teleqram kanalı Aluşta rayonında beş patlav ve "Lazurne" yanındaki dağlarda yanğın aqqında bildirdi, anda Qastel bağçasında 3-nci radio-tehnik polkunıñ radiolokatsiya noqtası yerleşe.
Bundan ğayrı, saba saat 07:50de kanal Rusiyeniñ Krasnodar ülkesiniñ Anapa rayonında patlavlar aqqında haber etti.
"Anapadaki Lısa dağında radiolokatsiya bölügine ücüm etildi", — dep beyanatta qayd etildi.
Bundan ğayrı, saat 00:31de Qırım köpründeki vaziyet aqqında haber etken Telegram kanalı köpürniñ qapatılğanını bildirdi. Saat 01:57de areket ğayrıdan tiklendi.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
