İşğal etilgen Qırımda işğalli Sudaq memuriyetiniñ başınıñ muavini ğıyabiy şekilde mahküm etildi. Uquq qorçalayıcılar onı duşmannen işdeşlik faaliyetinde qabaatladılar ve mülküni musadere etip, 8 yılğa mahküm ettiler.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeheri prokurorlığı bu aqqında haber berdi.
Açıq menbalardan malümatqa köre, laf, 2023 senesi ilk qış ayında bu vazifege tayin etilgen Oleksandr Zaharçuk aqqında kele.
"Mustaqillik prokurorlığınıñ qabaatlavı sebebinden Sudaq şeheriniñ işğalli memuriyetiniñ yolbaşçısınıñ muavini duşmannen işbirlikUkrayina CQniñ 111-1-nci maddesiniñ 5-nci qısmı yapqanı içün ğıyabiy şekilde mahküm etildi. O, işbirlik faaliyetinde qabaatlı tanıldı ve 8 yılğa mahküm etildi, 11 yıl devamında devlet akimiyeti ve yerli öz-özüni idare etüv organlarında vazifelerni eda etmek aqqından marum etildi, hem de mal-mülki musadere etilir", — dep haberde qayd etildi.
Prokuror mahkemede mahküm etilgenniñ işğalli akimiyetnen işbirlik yapmağa razı olğanını isbatladı. Tahqiqatnıñ malümatına köre, şimdi de çalışqanı 2023 senesi "Sudaq şeher memuriyetiniñ yolbaşçısınıñ muavini" vazifesine keçti.
"Öz areketlerinen "memur" istilâcı devletniñ siyasetini amelge keçirmege yardım ete ve Qırımdaki yerli idare organlarınıñ işini temin ete", — dep QMC prokurorlığı qoştı.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
