İşğal etilgen Qırımda ava mudafaası ve radar nezareti sistemasınıñ bir sıra müim obyekti yoq etildi. Soñki vaqıtları dronlarnıñ radiolokatsiya kompleksine, RT-70 radioteleskopınıñ antennalarına, "GLONASS" uydu navigatsiya sistemasına, AMSnıñ S-400 radar stantsiyalarına ücümleri qayd etildi.
"Yedıni Novını" telemafaronınıñ canlı yayınında Ukrayina Arbiy-deñiz quvetleriniñ nutuqçısı Dmıtro Pletençuk bunı bildirdi.
USQniñ Arbiy deñiz quvetleriniñ nutuqçısınıñ malümatına köre, radiolokatsiya sistemalarına, RT-70 teleradioteleskopınıñ antennalarına, "GLONASS" uydu navigatsiya sistemasına, ava mudafaası sistemasınıñ S-400 radar stantsiyalarına dronlarnıñ urması qayd etildi. Arbiy deñiz quvetleri vekiliniñ aytqanına köre, bu tehnika Rusiye tarafından işğal etilgen Qırımda arbiy bazalarnı, Qırım köprüni ve diger arbiy astyapını gizlemek içün qullanılğan edi.
"Er alda, bu sıqlıqnı zayıflaştırmaq birinci vazifedir. Çünki çoq olğan AMS bar olğanda, diger missiyalarnı yerine ketirmek pek qıyın. Şunıñ içün, strategiya ve taktika pek açıq. Tabiiy ki, ruslar er vaqıt bu ğayıplarnı qoparmağa tırışalar. Amma böyle vastalarnıñ ğayıplarını qapatmaq, eñ azından, pek paalı olur, buña baqmadan, pek qıyın", — dep Pletçençuk ayttı.
Hatırlatamız ki, ilk küz ayının 1-nde Ukrayina Mudafaa nazirliginiñ Baş istihbarat idaresi, işğal etilgen Qırımda mahsus operatsiyalarnıñ neticeleri aqqında bildirdi. Bİİniñ malümatına köre, "Prımarı" mahsus bölüginiñ dronları işğal etilgen Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki Ğvardiyske ava bazasında eki duşman Mi-8 vertolötını urdı. Bozulğan vertolötlarnıñ fiyatı, Bİİniñ malümatına köre, 20-30 million dollar. Bundan da ğayrı, istihbarat, işğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) körfezinde çekmeciniñ zarar körgenini bildirdi.
Bundan da ğayrı, Ukrayina Silâlı quvetleri arman ayınıñ 29-dan 30-na keçer gecesi işğal etilgen Qırımda mahsus operatsiyalar keçirilgenini tasdıqladı. Hususan, arbiy hımetçiler "Saq" arbiy ava limanında S-300 kompleksiniñ RLSnı yoq etkenlerini bildirdiler.
Rusiye Mudafaa nazirligi, arman ayınıñ 31-nde aqşam işğal etilgen Qırımğa UUAleriniñ ücümini bildirdi. Rusiye nazirligi, Qırımdaki Rusiye AVSnıñ işi aqqında üç kere haber etti. Patlavlar aqqında malümatnı "ATEŞ" arbiy-partizan areketi ve "Sarı şerit" qarşılıq areketi de tasdıqladılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
