Rusiye Mudafaa nazirligi, arman ayınıñ 31-nde aqşam işğal etilgen Qırımğa UAAniñ ücümi aqqında bildirdi. Rusiye nazirligi, Qırımdaki Rusiye AVSnıñ işi aqqında üç kere haber etti. Patlavlar aqqında malümatnı "ATEŞ" arbiy-partizan areketi ve "Sarı şerit" qarşılıq areketi de tasdıqladılar.
Uçucısız uçaq aletleriniñ tüşürilüvi aqqında Rusiye Mudafaa nazirligi Telegramda bildirdi.
Arman ayınıñ 31-nde saat 18:00-den saat 21:00-ge qadar, Rusiye nazirliginiñ malümatına köre, 32 uçucısız uçaq aleti yoq etildi: 7-si Qırım üzerinde, 25-i — Qara deñiz üzerinde. Bundan soñ 3 dron Qırım ve 21 dron Qara deñiz üzerinde tüşürildi. Saba Rusiye Mudafaa nazirligi Qara deñizde 16 uçucısız uçaq aletiniñ tüşürilgenini bildirdi.
"Sarı şerit" areketiniñ faalcileri, arman ayınıñ 31-nde saat 22:00-da işğal etilgen Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Qırımnıñ diger şeherlerinde patlavlar olğanını bildirdiler.
"Qırımda pek gürültüli. Sevastopol, Yevpatoriya, diger şeherlerde. "Sarı şerit" areketiniñ faalcileri uçuş ve patlav seslerini eşitkenlerini bildireler. Ukrayina Mudafaa quvetlerine çalışqanları ve Qırımnı işğalcilerden azat etkenleri içün teşekkürler bildiremiz. Eger siz Qırımda bulunıp, Rusiye arbiy obyektleriniñ yanında yaşasañız, pencerelerden uzaqlaşıñız", — dep areket Telegramda yazdı.
"ATEŞ" arbiy-partizan areketiniñ agentleri de arman ayınıñ 31-nde aqşam Qırımda patlavlar olğanını tasdıqladılar. Hususan, işğal etilgen Novofedorivka ve Gvardiyske şeherlerinde.
"İşğalciler Qırımda zarar köreler. "ATEŞ" agentleriniñ bildirgenine köre, şimdi Novofedrivka ve Gvardiyske rayonlarında gürülti. Tezden Putincilerge hoş olmağan haberler kelecek. İşğalcilerniñ zararları bar. 12-nci zenit-raketa polkuna selâmlar", — dep areket Telegramda yazdı.
Ukrayina arbiy hızmetçileri ve mahsus hızmetleri bu malümatnı şimdilik izaatlamadı.
Hatırlatamız ki, Ukrayina Silâlı quvetleri arman ayınıñ 29-dan 30-na keçer gecesi işğal etilgen Qırımda mahsus tedbirlerniñ keçirilgenini tasdıqladı. Hususan, arbiy hızmetçiler "Saq" arbiy ava limanında S-300 kompleksiniñ RLSnı yoq etkenlerini bildirdiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
