Vaqtınca işğal etilgen Herson vilâyetinde Rusiye quvetçileri Noman Çelebicihan adına qırımtatar göñülli batalyonında iştirak etkeni içün ukrayinlerni taqip etmege devam eteler. Geniçesk rayonınıñ 51 yaşındaki sakini "qanunsız silâlı birleşmedeRF CQniñ 208-nci maddesiniñ 2-nci qısmı iştirak etüv"de qabaatlana.
İşğalli Herson vilâyeti prokurorlığı bunı bildirdi.
2016 senesi, işğalli tahqiqatnıñ versiyasına köre, adam işğal etilgen Qırımnıñ vatandaşlıq qamaçavına qoşulğan batalyonnıñ faaliyetini temin etmege yardım etken edi.
İşğalciler, şübhelengen adamnıñ batalyon iştirakçilerini alıp ketkenini ve aşayt mallarını ketirgenini bildireler. Dava Geniçesk rayon mahkemesine baqılması içün berildi.
Hatırlatamız ki, eñ az 51 Ukrayina vatandaşı Noman Çelebicihan adına qırımtatar göñülli batalyonında iştirak etkeninde qabaatlanıp yaqalandı, dep QRM haber etti.
2022 senesi ilk yaz ayınıñ 1-nde Rusiye Yuqarı mahkemesi Noman Çelebicihan batalyonını terroristik teşkilât olaraq tanıp, onıñ faaliyetini Rusiye Federatsiyasında yasaq etti.
QRMniñ malümatına köre, 2024 senesi işğal etilgen Qırımda 61 tintüv qayd etildi, olardan 35-i qırımtatarlarnıñ evlerinde keçirildi. Bu sene çiçek ayında teşkilât bildirdi ki, Çelebicihan batalyonında iştirak etkeninden şübheli sayılğan 41 adam 51-ge qadar arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
