Eñ azından 51 Ukraina vatandaşı Noman Çelebicihan adına qırımtatar göñülli batalyonında iştirak etkeninde qabaatlanıp yaqalandı.
Qırımtatar Maaliy Merkezi (QMM) bunı bildirdi.
Olardan 19 adam vaqtınca işğal etilgen Qırımda tutuldı, olarnıñ arasında — Fevzi Sağanci, Dilaver Ğafarov, Edem Kadırov ve digerleri. 2022 senesi kiçik aynıñ 24-nden soñ Herson vilâyetiniñ işğal etilgen qısmında daa 32 insan tutuldı, olarnıñ arasında — Rustem Gugurık, Arsen İbraimov, Ayder Umerov ve başqaları.
Hatırlatamız ki, 2022 senesi bozarğan aynıñ 1-nde Rusiye Yuqarı makemesi Noman Çelebicihan batalyonını terroristik teşkilât olaraq tanıdı ve onıñ faaliyetini Rusiye toprağında yasaq etti.
QMMniñ malümatına köre, 2024 senesi işğal etilgen Qırımda 61 tintüv qayd etildi, olardan 35 qırımtatarlarnıñ evlerinde keçirildi. Bu sene çiçek ayında teşkilât, Çelebicihan batalyonında iştirak etkeninden şübeli sayılğan 41 adam 51-ge arttı, dep bildirdi.
Telegram, WhatsApp ve Facebookta Suspilne Qırım haberlerine abune oluñız
