Arman ayınıñ 28-i — Qırımndaki ukrayin cemiyetiniñ aqlarını qorçalav künüdir. Bu tarih, 1918 senesi yarımadaki ukrayin teşkilâtlarınıñ ilk qurulayına bağışlandı ve Qırım Rusiye tarafından işğal etilgen soñ ukrayinalılarğa qarşı ayırım aqqında er yıl hatırlata.
Bu künniñ emiyeti ve yarımadanıñ ukrayin ve qırımtatarlarınıñ Rusiye işğali şaraitinde vaziyetini Suspilne Qırımğa Qırım ukrayinleri rayon şurasınıñ azası, tarih ilimleri namzeti Andriy İvanets tarif etti.
Onıñ qayd etkenine köre, Qırım ukrayinleriniñ cemiyeti yarımadada ekinci eñ büyük qavmiy toplulıq ola, lâkin işğalden soñ sistematik ayırımğa oğratıla.
"Yazıq ki, Qırım yarımadasınıñ işğali neticesinde ukrayin cemiyeti tamır qırımtatar halqınen beraber eñ çoq ayırımğa oğratılğan qavmiy toplulıqlar olalar", — dep İvanets qayd etti.
Onıñ aytqanına köre, işğalli akimiyetniñ siyaseti tek basqılarğa degil de, ukrayinlerni assimilâtsiya etüvge de doğrultılğan.
"Qırımda ukrayin tilinde tasil ve ukrayin serbest matbuatı aman-aman yoq. Ukrayina vatandaşları taqip etile, ukrayin timsallerini qullanmaq yasaq etile, cemaat vekilleri içün açıq tedbirler keçirilmesi imkânsız", — dep tarihçi qayd etti.
Onıñ qayd etkenine köre, Qırımdaki ukrayin cemiyetiniñ aq-uquqlarını qorçalav künü, ilk evelâ, hatıra künüdir.
Bu bayram degil. Bu kün Qırım azat etilecek soñ bayram olacaq — o zaman Qırımdaki ukrayin cemiyeti kününi qayd etecekmiz", — dep İvanets ayttı.
Tarihçi şunı da qayd etti ki, zemaneviy ürmetnen añuv yüz yıl evelsi olğan tarihiy vaqialarnen bağlı.
1918 senesi arman ayınıñ 28-29 künleri Qırımda ukrayin teşkilâtlarınıñ birinci qurultayı olıp keçti. O, ukrayinlerniñ öz-özüni teşkil etüv organı oldı ve 1920 senesiniñ soñunda yarımada bolşevikler tarafından zapt etilmegence idare ve qorçalayıcı rolüni oynadı", — dep alim añlattı.
Andriy İvanets Kıyivde er yıl keçirilgen hatıra merasimleri aqqında tarif etti.
"Bugün, 1919-1920 seneleri Qırımda ukrayin bölge şurasınıñ lideri Pavlo Ğorânskıy defin etilgen Lukyanivka qoruğında ananeviy merasimler olıp keçti. Anda cemaat vekilleri adlarnı oqup, bir daqqa susıp, bu insanlar içün dua eteler, olarnı ürmetnen añalar", — dep ayttı o.
Tarihçi qoştı ki, er sene Rusiyege qarşı cenkte elâk olğan Qırım sakinleriniñ artıp tura.
"Tolu miqyaslı istilâdan evel Ukrayinanıñ mustaqilligi içün cenkte tahminen 50 Qırım sakini elâk oldı. Endi 250 qahramannıñ adları bar", — dep İvanets añlattı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
