Vaqtınca işğal etilgen Canköyde FSB, içtimaiy ağlarda "Qırım köprüni patlavnı aqlağanı" içün yerli sakinniñ tutulğanını bildirdi. Rusiye qanunlarına köre, adam yedi yılğa mahküm etile bile.
RİA "Novosti Krım", FSBniñ işğalli Qırımdaki idaresine atfı etip, bunı yazdı.
Rusiye mahsus hızmetleri, onıñ yazılarında "tilşınaslıq ekspertizası terrorizmni aqlav alâmetlerini tapqanını" bildirdiler. "İnternet vastasınen terroristik faaliyetke çağıruvRF CQniñ 205.2-nci maddesiniñ 2-nci qısmı, terrorizmni aqlav ya da terrorizm teşviqatı" içün oña qarşı cinaiy dava açıldı.
Bundan ğayrı, FSBniñ bildirgenine köre, daa evel tutulğan adam daa bir siyasiy sebepten açılğan "natsizm reabilitatsiyası" maddesine binaen mahküm etilgen ve umumiy rejimli müstemlekede ceza çekken. Şimdi onı eki ayğa apiske aldılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
