İşğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) "mahkeme" yerli sakinni "devlet hainligiRF Ceza qanunnamesiniñ 275-nci maddesi"nde qabaatlap, üküm çıqardı. O, sert rejimli müstemlekede 14 yılğa üküm etildi, bir yılğa azatlıq sıñırlandı ve 200 biñ ruble para cezasını aldı.
İşğalli şeer prokurorlığı bunı bildirdi.
İşğalli tahqiqatnıñ versiyasına köre, 2024 senesi adam "Ukrayina mahsus hızmetleriniñ vekillerine Rusiye Qara deñiz flotunıñ gemileri ve Rusiye milliy gvardiyasınıñ vertolötlarınıñ fotoresimlerini ve videolarını WhatsApp messenceri vastasınen bergen edi".
Bundan ğayrı, işğalli prokurorlıq qoştı ki, aynı şu devirde o, "uquq qorçalayıcılar"nıñ malümatına köre, Rusiye toprağında istihbarat faaliyetini alıp barmaq içün Ukrayina mahsus hızmetleri tarafından idare etilgen Telegram kanalına qoşulğan. O, bu kanalğa ve öz "çıqaruvçısı"na "Rusiye milliy gvardiyasınıñ orduları helikopterleriniñ yerleştirilüvi ve areket etüvi aqqında videolarnı yolladı". İşğalli akimiyet onıñ faaliyetini FSB hadimleri toqtatqanını iddia ete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
